Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • jl leksiyon 21
  • Unsa ang Bethel?

Walay video nga available.

Sorry, dunay problema sa pag-load sa video

  • Unsa ang Bethel?
  • Kinsay Nagabuhat sa Kabubut-on ni Jehova Karon?
  • Susamang Materyal
  • Kini ba ang Kinamaayohang Karera Alang Kanimo?
    Ang Bantayanang Torre Nagapahayag sa Gingharian ni Jehova—2001
  • Nagatan-aw nga Mapabilhon sa “Balay sa Diyos”
    Ang Bantayanang Torre Nagapahayag sa Gingharian ni Jehova—1994
  • Makaboluntaryo Ka Ba?
    Atong Ministeryo sa Gingharian—2001
  • Imbitasyon Alang sa Tanan!
    Ang Bantayanang Torre Nagapahayag sa Gingharian ni Jehova—2010
Uban Pa
Kinsay Nagabuhat sa Kabubut-on ni Jehova Karon?
jl leksiyon 21

LEKSIYON 21

Unsa ang Bethel?

Duha ka Saksi ni Jehova nga nagtrabaho sa Art Department sa Bethel

Art Department, U.S.A.

Saksi ni Jehova nga nagtrabaho sa printery sa Bethel sa Germany

Germany

Saksi ni Jehova nga nagtrabaho sa laundry sa Bethel sa Kenya

Kenya

Mga waiter nga nag-andam sa mga lamesa sa dining room sa Bethel sa Colombia

Colombia

Ang Bethel maoy Hebreohanong pulong nga nagkahulogang “Balay sa Diyos.” (Genesis 28:17, 19, footnote) Kini haom nga pagtawag sa mga pasilidad sa mga Saksi ni Jehova sa tibuok kalibotan diin ginaorganisar ug ginasuportahan ang buluhatong pagsangyaw. Ang Nagamandong Lawas nag-alagad sa tibuok kalibotang hedkuwarter sa New York State, U.S.A., ug gikan didto kini nagdumala sa buluhaton sa mga sangang buhatan sa daghang nasod. Sa katibuk-an, ang mga nag-alagad sa maong mga pasilidad gitawag ug pamilyang Bethel. Samag pamilya, sila nag-uban sa pagpuyo, pagtrabaho, pagpangaon, ug pagtuon sa Bibliya.​—Salmo 133:1.

Espesyal nga dapit diin ang mga membro niini nga pamilya andam mosakripisyo. Sa matag Bethel, adunay Kristohanong mga lalaki ug babaye nga bug-os panahong nagtuman sa kabubut-on sa Diyos ug nagpalambo sa intereses sa Gingharian. (Mateo 6:33) Sila walay suweldo, apan gitagan-ag puy-anan, pagkaon, ug alawans alang sa personal nga galastohan. Ang matag usa sa Bethel giasaynag trabaho​—sa opisina, kosina, o sa kan-anan. Ang uban giasayn sa imprentahanan o tahianag libro, paghinlog kuwarto, paglaba, maintenance, o uban pa.

Puliking dapit nga nagsuportar sa pagsangyaw sa Gingharian. Ang pangunang katuyoan sa Bethel mao ang pagpakaylap sa kamatuoran sa Bibliya ngadto sa labing daghang tawo. Kining brosyura maoy usa ka pananglitan. Kini gisulat ubos sa pagdumala sa Nagamandong Lawas, gipadala pinaagig Internet ngadto sa gatosan ka team sa mga maghuhubad sa tibuok kalibotan, giimprenta sa paspas kaayong mga makina diha sa ubay-ubayng pasilidad sa Bethel, ug gipadala sa kapig 120,000 ka kongregasyon. Sa matag proseso, ang mga pamilyang Bethel nagsuportar gayod sa labing dinaliang buluhaton​—ang pagsangyaw sa maayong balita.​—Marcos 13:10.

  • Kinsay nag-alagad sa Bethel, ug unsay mga tagana alang kanila?

  • Unsang dinaliang buluhaton ang gisuportahan sa mga kalihokan sa Bethel?

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa