DIHANG MAGSUGOD UG PANAG-ESTORYA
LEKSIYON 6
Kaisog
Prinsipyo: “Kami nakabatog kaisog pinaagi sa atong Diyos aron isulti kaninyo ang maayong balita.”—1 Tes. 2:2.
Ang Gihimo ni Jesus
1. Tan-awa ang VIDEO, o basaha ang Lucas 19:1-7. Dayon konsideraha ang mosunod nga mga pangutana:
Ngano kahang gilikayan sa uban si Zaqueo?
Pero unsay nagpalihok kang Jesus nga sangyawan siya sa maayong balita?
Unsay Atong Makat-onan Kang Jesus?
2. Nagkinahanglan tag kaisog sa pagsangyaw sa mensahe sa Gingharian ngadto sa tanan.
Sundoga si Jesus
3. Salig kang Jehova. Ang espiritu sa Diyos naghatag kang Jesus sa kusog nga iyang gikinahanglan sa pagsangyaw, ug kini nga espiritu makatabang sab nimo. (Mat. 10:19, 20; Luc. 4:18) Hangyoa si Jehova nga hatagan kag kaisog sa pagsangyaw niadtong mga tawo nga para nimo hadlok sangyawan.—Buh. 4:29.
4. Ayawg hukmi ang mga tawo. Magduhaduha tingali ta sa pagduol sa uban tungod sa ilang hitsura, kahimtang sa kinabuhi, paagi sa pagkinabuhi, o relihiyon. Pero hinumdomi nga:
Si Jehova ug Jesus makabasag kasingkasing; kita dili.
Walay usa kanato ang dili makabenepisyo sa kaluoy ni Jehova.
5. Magpakitag kaisog pero pag-amping ug ipakita ang pagtahod. (Mat. 10:16) Ayaw pakiglalis. Matinahorong taposa ang panag-estorya kon dili siya gustong maminaw sa maayong balita o kon mibati ka nga peligroso na ang situwasyon.—Prov. 17:14.