BETA

Usa ka lungsod nga gihisgotan uban sa Berotai maylabot sa pagpildi ni David kang Hadadezer nga hari sa Zoba. (2Sa 8:8) Ang dapit wala mahibaloi, bisan tuod nga ang Aramaeanhong gingharian sa Zoba giisip nga nahimutang sa A sa Damasco. Diha sa samang asoy sa kadaogan ni David, ang 1 Cronicas 18:8 naghisgot sa “Tibhat,” ug ang pipila ka leksikograpo naghunahuna sa Tibhat nga mao ang mas tukmang hubad. Ang mabasa sa Syriac nga Peshitta maoy “Teba” inay nga Beta diha sa 2 Samuel 8:8. Angayng matikdan nga ang Beta mahimong Teba pinaagi sa yanong pagbaylo sa unang duha ka Hebreohanong mga konsonante. Sanglit ang Beta (o Tibhat) maoy usa ka Aramaeanhong siyudad, gilangkit kini sa pipila ka eskolar kang Teba, ang anak nga lalaki ni Nahor.​—Gen 22:24; tan-awa ang TIBHAT.