JERIMOT

[gikan sa lintunganayng pulong nga nagkahulogang “mahimong hataas (binayaw)”].

1. Usa ka anak nga lalaki o kaliwat sa panganayng anak ni Benjamin nga si Bela, ug usa ka maisog, gamhanang tawo.​—1Cr 7:​6, 7.

2. Usa ka manggugubat nga Benjaminhon kinsa mipaluyo kang David samtang siya didto sa Ziklag nga ginukod ni Haring Saul.​—1Cr 12:​1, 2, 5.

3. Usa ka Levihanon nga kaliwat ni Merari.​—1Cr 24:​26, 30; tan-awa ang JEREMOT Num. 3.

4. Usa ka Levihanon nga kaliwat ni Kohat.​—1Cr 6:33; 25:4; tan-awa ang JEREMOT Num. 4.

5. Ang prinsipe nga nangulo sa tribo ni Neptali panahon sa pagmando ni David; anak nga lalaki o kaliwat ni Azriel.​—1Cr 27:​19, 22.

6. Usa ka anak nga lalaki ni David kansang anak nga babaye naminyo kang Haring Rehoboam. (2Cr 11:18) Sanglit si Jerimot wala iapil sa listahan sa mga anak nga lalaki ni David pinaagi sa ginganlan niyang mga asawa, lagmit anak siya sa usa ka puyopuyo o sa usa ka wala hinganli nga asawa. (2Sa 5:13) Si Jerimot dayag nga naminyo sa iyang ig-agaw nga si Abihail, ang anak nga babaye sa kamagulangang igsoong lalaki ni David nga si Eliab.​—2Cr 11:18; 1Sa 17:13.

7. Usa sa mga komisyonado nga Levihanon nga nag-atiman sa daghang amot, ikapulo, ug balaang mga butang nga gidala panahon sa paghari ni Ezequias.​—2Cr 31:​12, 13.