LETUSIM

[lagmit gikan sa lintunganayng pulong nga nagkahulogang “baid; martilyo; salsal”].

Usa ka ngalang gitala nga lakip sa mga kaliwat ni Abraham ug Ketura pinaagi kang Dedan. (Gen 25:3) Kining ngalana adunay plural nga Hebreohanong mga letra nga im sa tumoy niini, sama sa mga ngalang Asurim ug Leumim nga makita sa samang teksto. Tungod niini, daghang eskolar ang nagtuo nga kini nagtumong sa usa ka tribo o katawhan. Tungod sa ilang relasyon kang Dedan, kini nga tribo lagmit nanimuyo sa Peninsula sa Arabia, apan dili matino kon kinsa gayod kini sila.​—Tan-awa ang MIZRAIM.