LEUMIM

[Nasodnong mga Pundok; Mga Katawhan].

Usa ka ngalan nga makita sa Genesis 25:1-3 uban sa mga ngalang Asurim ug Letusim, nga ang tanan maoy mga kaliwat ni Abraham ug Ketura pinaagi kang Dedan. Ang paggamit sa plural nga Hebreohanong pulong nga nagtapos sa im diha sa ngalang Leumim lagmit nagpakita nga kini naghawas sa usa ka tribo o katawhan. Dili matino kon unsang espesipiko nga tribo kini ni Dedan. Apan, gituohan nga sila mipuyo sa usa ka bahin sa Arabia, lagmit duol sa dapit nga giisip sa kadaghanan nga gipahat kang Dedan.​—Tan-awa ang MIZRAIM.