TRANSPORTASYON

Usa ka paagi sa paghatod gikan sa usa ka dapit ngadto sa laing dapit. Sa karaang mga panahon lainlain ang mga paagi ug mga sakyanan nga gigamit depende sa mga sirkumstansiya sa mga magpapanaw ug sa ilang destinasyon o sa mga dapit diin dad-on ang mga karga.

Tungod kay ang kamelyo mabuhi man sa komon nga mga tanom sa desyerto ug makaagwanta bisag walay tubig sa hataas nga mga panahon, kini nga hayop maayo kaayong sakyan sa pagpanaw diha sa desyertong mga rehiyon. Ang mga kamelyo nagsilbing sakyanan ug kargahanan ug mga baligya gikan sa usa ka dapit ngadto sa laing dapit. (Gen 37:25-28; Huk 6:3-5; 7:12; 1Ha 10:2) Ang ubang mga hayop nga gigamit ingong sakyanan o mananap nga luwananan mao ang asno (Jos 15:18; Huk 5:10; 10:4; 12:14; 1Sa 25:42; Isa 30:6), mula (1Ha 1:33), ug ang kabayo (1Ha 4:26; Buh 23:​23, 24, 31-33). Ang mga barko kaylap nga gigamit. (2Cr 9:21; Eze 27:9; Jon 1:3; Buh 20:13-15; 27:1-44) Ang mga karomata gigamit sa pagkarga ug mga kargamento ug sa pagsakay ug mga tawo. (Gen 46:5; Num 7:1-9) Ang mga karo o mga lingkoranan nga may mga yayongan, nga usahay giadornohan pag-ayo, nahimong naandan nga sakyanan sa mga hari o sa mga tawong hataas ug katungdanan. (2Ha 10:15; Aw 3:6-10; Buh 8:26-31) Ug ang ordinaryong mga tawo sagad magbaktas.​—Luc 24:13-15; tan-awa ang KARO; KOMUNIKASYON; DALAN; LINGKORANAN; BARKO; KAROMATA.