Ang Watchtower Misulod sa Dungan nga Pagpatik

Sa Hulyo 1879 ang unang isyu ning magasina miingon: “Sumala sa ipaila sa ngalan niini, ang tumong niini mao nga mahimong bantayanan nga gikan niana ang mga butang makaiikag ug makaayo ipahibalo ngadto sa ‘gamay nga panon.’” Karong adlawa, ang The Watchtower nagadulot sa espirituwal nga pagkaon ngadto usab sa “dakong panon” sa sinserong katawhan nga nagapanglantawng makabatog kinabuhing walay kataposan dinhi sa yuta.—Lucas 12:32; Pinadayag 7:9-17.

Sa miuswag ang sirkulasyon sa The Watchtower miuswag usab ang gidaghanon sa pinulongan niana. Karong adlawa, kining mga pinulongana moabot ug 102. Ginapakita sa mga taho nga ang bag-ong mga suskrisyon sa The Watchtower ug sa iyang kaubang magasin, ang Awake!, dako kaayog pag-uswag sa miaging 70 ka tuig. Mao usab ang pagpahimutang sa indibiduwal nga kopya. Ania ang pila ka numerong mabatonan:

Tuig Bag-ong mga Suskrisyon Magasing Napahimutang

1914 2,746 95,973

1944 292,258 9,293,913

1964 1,551,436 127,055,165

1984 1,812,221 287,358,064

Karon kita nakaabot sa laing kauswagan diha sa 105-tuig nga kasaysayan sa The Watchtower—ang dungan nga pagpatik diha sa 20-ug-kapin pang pinulongan. Usa gayod ka makalipayng hitabo! Hinaot si Jehova magpadayon sa paggamit niining magasina sa dakong paagi sa pagpahayag sa iyang Gingharian pinaagi ni Kristo Jesus!

[Mga hulagway sa panid 8, 9]

Sweko

Danes

Norwego

Pinlandes

Portuges

Aleman

Sepedi

Sesotho

Tsonga

Zulu

Olandes

Pranses

Kinatsila

Italyano

Afrikaans

Hapon

Tswana

Venda

Xhosa

Cibemba