1985 Distritong mga Kombensiyon

TUIGTUIG ang mga Saksi ni Jehova may mga tema sa ilang tinuig distritong kombensiyon nga paninugdang mga bahin sa ilang mga pagtuo ug mga buluhaton. Apil kanila mao ang “Madaogong Pagtuo,” “Malipayong mga Magbubuhat,” “Balaang Gugma,” “Pagkamaunongon sa Gingharian,” ug “Panaghiusa sa Gingharian.” Ang tema nga gipili alang sa 1985 distritong kombensiyon susamang labing paninugdan sa ilang mga buluhaton, nga mao “Mga Maghuhupot sa Integridad” nga Kombensiyon.

Pagkabililhon ang paghupot sa integridad! Kini bililhon kaayo nga gidawat ni Jehova ang hagit sa Yawa mahitungod niining isyuha, nga si Jehova bug-os masaligon nga taliwala sa intelihenteng mga linalang sa yuta, adunay maghupot sa integridad, nga magpamatuod nga si Jehova nga Diyos matuod ug ang Yawa daotan, tuman ka bakakon.

Ang paghupot sa integridad dili gayod sayon, yano nga buhaton. Kini dili gayod pagsunod sa labing sayong dalan o pagbuhat kon unsay kinaiyanhon. Kay nasayod kon unsay nalangkit si Satanas nga Yawa nagabuhat sa tanan niyang maarangan sa pagpabungkag sa mga alagad ni Jehova sa ilang integridad. Ug dili lamang nga si Satanas ug iyang mga demonyo nagasupak kanato sa atong paningkamot sa paghupot sa integridad kondili kinahanglang makigbisog usab kita sa iyang daotang kalibotan nga nagadala sa tanang matang sa mga tentasyon ug kapit-osan diha kanato. Dugang pa, kita dunay napanunod daotang mga kiling nga pagasuklan.

Aron makahupot sa integridad pinaagi sa malamposong pagsukol niining tulo ka kaaway, kinahanglan nato ang tanang tabang atong mabatonan. Ang “Mga Maghuhupot sa Integridad” nga Kombensiyon gilaraw sa paghatag sa labing dakong tabang nga posible sa tanang natungdan sa paghupot sa ilang integridad ngadto kang Jehova nga Diyos ug sa pagpamatuod sa Yawa nga bakakon. Sama sa ubang katuigan ang kombensiyon, sa kadaghanang kayutaan, mosugod sa Huwebes sa hapon ug molungtad sa upat ka adlaw. Pagplano karon sa pagtambong sa tanang upat ka adlaw, ug abot nga andam sa pagpahimulos sa bug-os sa programa ingon man sa pagpakig-ambit sa ubang buluhaton sa kombensiyon.