Usa ka Batan-on Nagdayeg Kang Jehova

DAGHANG kahigayonan sa pagsangyaw bukas sa mga batan-on sa dihang sila may dakong tinguhang moalagad kang Jehova. Kini nakita sa kasinatian sa usa ka singko anyos nga batang lalaki sa kasadpang Kenya.​—Ecclesiastes 12:1.

Ang iyang inahan nangutana kaniya: “Buot nimong mahimong unsa man inigkadako nimo?” Ang batang lalaki nakapaniid sa usa ka espesyal payunir sa kongregasyon ug mitubag: “Buot kong mahimong espesyal payunir sama kang Igsoon F——.” Ang inahan mitubag, “Apan dili kini posible; dili ka gani mahimong regular payunir tungod kay wala kay pagtuon sa Bibliya.” Ang batang lalaki nangutana: “Unsa man diay ang akong mahimo?” Ang iyang inahan misugyot nga iyang sulayan pagtudlo ang iyang mga kadula gikan sa iyang kopya sa Akong Basahon sa mga Estorya sa Bibliya.

Ang singko-anyos nagkuha sa iyang Mga Estorya sa Bibliya nga libro ug miduaw sa iyang mga higala, nga nagdapit kanila sa pagtuon sa Bibliya uban kaniya. Ang resulta?

Iyang giporma ang usa ka grupo sa pulo aron matudloan. Iyang gipahimuslan pag-ayo ang mga letrato, nga nagpatunghag daghang masusihong mga pangutana, ug nangutanag mga pangutana sa pagsubli sa pagkatapos sa pagtuon. Kon dili sila makahinumdom, iyang sublion ang materyal uban kanila. Ang inahan misaysay nga dako kaayong kalipay nga makita ang maong tanang kabataan nga nanglingkod sa yuta atubangan sa iyang balay nga nagtuon sa tingob! Diha ang iyang singko-anyos nga batang lalaki nga nangutana sa mga pangutana, ug dayon ang tanang kamot iisa aron motubag.

Nakalipay sa dugang pa sa inahan, ingon man sa kongregasyon, ang pagtan-aw nga walo sa maong mga bata nagatambong sa mga tigom sa kongregasyon. Ang duha gagmay pa kaayo. Kining tanan nahitabo kay ang usa ka singko-anyos buot modayeg kang Jehova ug motabang sa uban.