Dugang sa Nagamandong Lawas

UBAN sa panglantaw nga padak-an ang gidaghanon sa kawani sa Nagamandong Lawas sa mga Saksi ni Jehova, sugod sa Hulyo 1, 1994, usa ka membro ang gidugang sa 11 ka ansiano nga nagaalagad karon. Ang bag-ong membro mao si Gerrit Lösch.

Si Brader Lösch misulod sa bug-os-panahong pag-alagad niadtong Nobyembre 1, 1961, ug migraduwar gikan sa ika-41 nga klase sa Watchtower Bible School of Gilead. Nag-alagad siya sa sirkito ug distritong buluhaton sa Austria sukad niadtong 1963 hangtod 1976. Naminyo siya niadtong 1967, ug siya ug ang iyang asawa, si Merete, sa ulahi nag-alagad sulod sa 14 anyos ingong mga membro sa pamilyang Bethel sa Vienna, Austria. Upat ka tuig kanhi gibalhin sila ngadto sa hedkuwarter sa Sosyedad sa Brooklyn, New York, diin si Brader Lösch nakaalagad diha sa Executive Offices ug ingong luyoluyo sa Komite sa Pag-alagad. Uban sa iyang lainlaing kasinatian sa Uropanhong natad ug sa iyang kahibalo sa Aleman, Ingles, Romaniano, ug Italyano, makatabang siyag dako sa buluhaton sa Nagamandong Lawas.