Pagtanyag sa Ang Bantayanang Torre sa Abril
1 Sa unang gipatik ang The Watchtower niadtong Hulyo, 1879, 6,000 ka kopya lamang ang gipatik makausa sa matag bulan diha sa usa lang ka pinulongan. Karon, hapit na sa 109 ka katuigan sa ulahi, kapin sa 13 ka milyong kopya sa kada gula ang gipatik sa 103 ka pinulongan, ug ang kadaghanan niini maoy sa makaduha sa kada bulan. Ang maong pag-uswag nagapamatuod sa pag-uyon ni Jehova niining maong instrumento nga iyang gigamit sa pagbutyag sa kamatuoran bahin sa iyang Gingharian.
2 Ikaw man nagbasahan sa Ang Bantayanang Torre di pa dugay o sa daghan nang katuigan, kami makapaneguro nga ikaw nagapabili sa espirituwal nga mga kaayohan nga nadawat. Ang Bantayanang Torre nakapalig-on sa imong pagsalig sa Gingharian sa Diyos ingong bugtong paagi sa pagpatunghag kalinaw sa yuta. Kini nakapaigmat kanimo sa mga kapeligrohan niining makuyaw nga mga panahon. (2 Tim. 3:1-5) Kini nakatabang kanimo sa pagdawat ug “paglipay gikan sa Kasulatan” ug sa masaligang giya gikan sa Pulong sa Diyos. (Roma 15:4; Sal. 119:105) Samtang nagasumbaliksilaw niining maong mga kaayohan, ikaw ba dili mapalihok sa pagtug-an sa uban maylabot sa kabililhon sa Ang Bantayanang Torre? Sa Abril, ang usa ka tuig nga suskrisyon igatanyag sa ₱60.00 lamang.
MAGMAPOSITIBO SA IMONG PANGLANTAW
3 Ang kaalam sa Diyos ug dili ang tawhanong pangatarongan ang gipasiugda diha sa Ang Bantayanang Torre. Ang maong kaalam makapauswag sa kinabuhi ug makaugmad sa hustong mga motibo. Kini gikinahanglan aron “padayong mabuhi.” (Prov. 9:1-6) Busa atong ikatanyag ang suskrisyon uban sa positibong tinamdan. Sa mabinantayon sinatia ang matag gula aron pangitaon ang mga pulong nga makabulig sa mga tagbalay. Kini moabag kanimong magmapositibo sa imong pagtanyag niana.
4 Ang bayad sa Ang Bantayanang Torre maoy kubos ra kon itandi sa bili diha sa mga benepisyo ngadto sa magbabasa. Busa sa masaligon itanyag ang suskrisyon sa matag higayon. Basin ang uban buot motanyag sa Pagmata! uban sa Ang Bantayanang Torre sa ₱120.00, nga maoy gamay nga bili kon itandi nianang daghang kalibotanong mga basahon.
ANG BANTAYANANG TORRE NAGATABANG SA PAGHIMOG MGA TINUN-AN
5 Magdeterminado sa pagbalik sa tanang napahimutang nga mga basahon ug manlimbasog sa pag-ugmad sa interes nga gipakita. Ang ubang mga igsoon nagaugmad ug mga rota sa magasin uban kanilang nagakuhag tinagsang mga kopya sa mga magasin. Kon ang tawo nagabasa sa kopya sa maong mga magasin, basin siya mahimong interesado. Busa balikduawa ug itanyag ang sunod nga mga gula, nga nagapasiugda sa tinong artikulo nga makapainteres. Human makabasa sa pipila ka gula, hayan siya gusto nang mosuskriber.
6 Ang pagtanyag sa Ang Bantayanang Torre sa Abril maghatag gayod kanato ug malipayong katagbawan. Tungod kay nabenepisyohan sa atong kaugalingon, kita mahimong masaligon sa pagtanyag niana ngadto sa uban, nga sa ingon nagatabang kanilang mobarog sa kiliran ni Jehova.