Pangutana

● Makakuha ba gayod ang mga payunir ug mga basahon alang sa mga membro sa pamilya sa bayad nga iya sa payunir?

Maayong hinumdoman kon nganong nagatugot ang Sosyedad alang sa mga payunir sa pagkuhag literatura sa kubos nga bili. Kini maoy mahigugmaong tagana sa Sosyedad, nga iyang gasto, aron tabangan ang mga payunir nga makapasig-uli sa pipila sa ilang galastohan.

Sumala gayod niana, ang tanang magmamantala kinsa mga membro sa panimalay sa usa ka payunir ug kinsa dili mga payunir, mga bata man o mga hamtong, kinahanglang mokuha sa ilang literatura ug mga magasin alang sa pag-alagad sa kanataran sa naandang mga bayad nga iya sa magmamantala.