Pangutana

● Nganong batonan ang personal nga librarya?

Ang usa ka pasukaranang rason mao nga ang personal nga pagtuon maoy hinungdanon ngadto sa mga Saksi ni Jehova. (Juan 17:3) Maoy kombeniyente sa pagbaton ug librarya sa balay aron sa paghimog panukiduki, pagtubag sa mga pangutana, ug pag-andam sa mga tigom. Dili ta gayod pakamenoson ang bili sa masayon ang pagbaton sa kasaligang Kasulatanhong impormasyon.

Ang laing rason sa pagbaton ug librarya sa balay may kalabotan sa punto nga ang matag Kristohanon kinahanglang “mopas-an sa iyang kaugalingong lulan” sa kaakohan. (Gal. 6:5) Sa dihang motungha ang mga pangutana, maoy maayo nga batasanon ang paghimo una sa atong kaugalingong panukiduki ug unya na lang mangutana sa uban kon gikinahanglan. Atong maugmad ang atong mga gahom sa pagsabot pinaagig pagkakugihang mga estudyante sa Pulong sa Diyos ug paggamit ug maayo sa usa ka librarya sa balay.​—Heb. 5:11-14.

Ang ubang kabataan nabuligan sa ilang mga ginikanan sa pagtukod sa ilang kaugalingong personal nga librarya, nga gibutang sa hunahuna ang presente ug umaabot nga mga panginahanglan. Walay duhaduha bahin niini, ang maayong personal nga librarya maoy hinungdanong kabtangan diha sa Kristohanong panimalay.