Bag-ong mga Basahong Giluwatan Makaabag Kanato sa Pagbansay Uban ang Diyosnong Debosyon
1 Tungod kay nakatambong na sa distritong kombensiyon, kita gayod mas nahibalo sa panginahanglan sa pagbansay sa atong kaugalingon uban ang diyosnong debosyon ingong atong tumong. (1 Tim. 4:7) Samtang isumbaliksilaw ta ang tanang impormasyon nga gipresentar sa programa ug sa pagpanlimbasog sa pagpadapat niana sa atong mga kinabuhi, kita mas nga mapasuod kang Jehhova diha sa matuod nga pagsimba.
2 Apan, ang atong pagbansay sa diyosnong debosyon sa linain mapalambo samtang kita mauswagong nagahilis sa bahandi sa impormasyon nga anaa sa tulo ka bag-ong basahong giluwatan nga nadawat didto sa distritong mga kombensiyon. Kini ba imo nang nabasa?
USA KA BAG-ONG BROSYUR
3 Ang makapadani nga Kasulatanhong mga argumento diha sa brosyur nga Angay ba Nimong Tuohan ang Trinidad? makatabang kanato dili lamang sa pagpamatuod nga ang Trinidad usa ka bakak nga doktrina kondili usab sa pagpatin-aw ngadto sa uban sa kamatuoran bahin sa Diyos, sa iyang Anak, ug sa balaang espiritu.—1 Cor. 8:6.
MGA TUBAG ALANG SA MGA BATAN-ON
4 Dili ta sa dali malimtan ang pagkigpulong sa kombensiyon ug sa espesyal nga kahikayan sa pagluwat sa basahong Mga Pangutanang Gisukna sa mga Batan-on—Mga Tubag nga Mosaler. Bisan tuod kana gitagana alang sa mga batan-on, ang mga ginikanan, ilabina ang mga amahan, giawhag sa paggamit sa maong libro aron bansayon ang ilang mga anak, ug ‘matutuon sila diha sa disiplina ug hunahuna-gimbut-an nga iya ni Jehova.’—Efe. 6:4.
5 Ang mga ginikanan ug ingon man sa mga anak kinahanglang bug-os nga masinati niining hinungdanong impormasyon nga gitagana sa organisasyon ni Jehova aron buligan ang mga batan-on nga padayong bansayon diha sa diyosnong debosyon. Mahimo man kini diha sa mga panaghisgot sa banay.
PULONG SA DIYOS—DILI IYA SA TAWO
6 Ang Bibliya—Pulong sa Diyos o sa Tawo?, ang bag-ong libro nga giluwatan sa Sabado, gidesinyo sa pagtabang sa mga tawong makasabot nga ang Bibliya dinasig sa Diyos. Aron magamit kini nga epektibo kinahanglang sa personal kita masinati sa mga bahin niini aron ikapunting ang tinong mga puntos diha sa basahon sa dihang gamiton kini sa kanataran.
7 Pagkamapasalamaton gayod natong tanan kang Jehova tungod sa abundansiya sa espirituwal nga pagkaon nga nadawat didto sa “Diyosnong Debosyon” Distritong Kombensiyon! Gamiton ta kining maong mga tagana aron pangagpason ang diyosnong debosyon ug tabangan ang uban sa pagkahimong mga magsisimba sa atong Diyos si Jehova.