Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • km 1/90 p. 1-2
  • Itanyag ang mga Magasin sa Matag Higayon

Walay video nga available.

Sorry, dunay problema sa pag-load sa video

  • Itanyag ang mga Magasin sa Matag Higayon
  • Atong Ministeryo sa Gingharian—1990
  • Sub-ulohan
  • Susamang Materyal
  • SULTI SA KATAWHAN
  • UBANG KAHIGAYONAN
  • Himoa ang Labing Maayong Paggamit sa Atong mga Magasin
    Atong Ministeryo sa Gingharian—1996
  • Ipahimutang ang mga Magasin sa Imong Ministeryo
    Atong Ministeryo sa Gingharian—2005
  • Paggahin ug Panahon Alang sa Buluhatong Magasin
    Atong Ministeryo sa Gingharian—1994
  • Mga Magasin Nagapahayag sa Gingharian
    Atong Ministeryo sa Gingharian—1998
Uban Pa
Atong Ministeryo sa Gingharian—1990
km 1/90 p. 1-2

Itanyag ang mga Magasin sa Matag Higayon

1 Kapin sa 100 ka katuigan na, ang The Watchtower mibayaw sa kamatuoran sa Gingharian. Nagagamit kini sa Pulong sa Diyos ingong espada sa pagputol sa relihiyosong kasaypanan ug sa pagyagyag sa bakak nga mga pagtulon-an. Ang magasing Awake! nagapaluyo usab sa kamatuoran. Alang sa matarong-hilig nga mga tawo, kini magpapukaw sa ilang interes sa Kasulatanhong materyal nga makaplagan diha sa ubang mga basahon sa Sosyedad. Unsa may atong mahimo aron ikapahimutang kining mga magasina ngadto sa mga kamot sa mas pang katawhan?

2 Ang unang tikang mao ang pagkasayod sa mga sulod o kaundan sa mga magasin. Kini nagakahulogan nga basahon kini sa dihang madawat ta ug unya ipakigsulti ang mga artikulo ngadto sa uban diha sa kongregasyon. Kini motabang kanato nga mahimong positibo ug masiboton sa pagtanyag niini ngadto sa uban.

3 Ang sunod nga tikang mao ang paggahin ug panahon sa kada semana sa pagtanyag sa mga magasin ngadto sa uban. Himoa kining bahin sa imong regular nga eskedyol. Ikaw ba alisto sa ubang kahigayonan sa pagpahimutang sa mga magasin?

SULTI SA KATAWHAN

4 Sa dihang anaa sa pag-alagad sa kanataran, duola ang mga tawo samtang sila nagalakaw sa dalan. Pakigsulti ngadto kanilang nagalingkod sulod sa mga kotse, kanilang may ginabuhat sa ilang lagwerta, o nagahulat ug mga sakyanan. Ipunting ngadto sa tinong artikulo ug punto nga makapainteres. Gamitang mga ilustrasyon sa paghaling sa ilang interes. Pakigsulti sa mga tawo sa mahigalaon, positibong paagi, ug ipresentar ang tinong mga puntos nga imong napupo gikan sa pagbasa sa mga magasin.

UBANG KAHIGAYONAN

5 Sulayi usab kining mga sugyota diha sa teritoryong negosyohanan. Pahimusli ang mga higayon sa dihang ang mga negosyante dili puliki uban sa mga pumapalit. Nakaplagan sa daghang magmamantala nga mas sayon sa pagpahimutang ug mga magasin sa ‘business territory’ kay sa regular nga buluhatong pamalaybalay.

6 Nasulayan na ba nimong ugmaron ang rota sa magasin? Sa dihang makapahimutang ka ug mga magasin, pahibaloa ang mga tawo nga ikaw malipay sa pagbalik sa duha ka semana nga dala ang sunod nga mga gula. Daghan ang mahimong malipay nga makabaton niining kahikayang personal-ihatod.

7 Basin mangita ka ug ubang mga higayon, sama sa pagsangyaw sa magabii, pakigsulti sa mga paryente, o sa dihang nagabiyahe o nagasuroy-pamalit. Sa pagsunod niining mga sugyota, kita makabulig sa mas daghan pa nga mahimong regular nga mga magbabasa sa atong mga publikasyon sa Bibliya.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa