Pangutana
● Unsang eskedyol ang pagasundon sa espesyal nga tigom nga nagalakip sa Pagtuon sa Basahon sa Kongregasyon sulod sa semana sa duaw sa magtatan-aw sa sirkito?
Sa panahon sa duaw sa magtatan-aw sa sirkito, ang mga kahikayan ginahimo alang sa interong kongregasyon sa pagtigom sa Kingdom Hall para sa espesyal nga miting nga nagalakip sa Pagtuon sa Basahon sa Kongregasyon, usa ka pagtagad sa Kasulatanhon ug organisasyonal nga impormasyong nag-ulohang “Padayon diha sa mga Butang nga Imong Nakat-onan,” ug usa ka ‘service talk’ sa magtatan-aw sa sirkito. Kining tigoma gipalabing himoon sa Huwebes o Biyernes sa gabii.
Ang maong tigom magsugod uban sa awit ug pag-ampo, ug unya ang usa sa mga ansiyano modumala sa 45-minuto nga Pagtuon sa Basahon sa Kongregasyon. Ang panlimbasog himoon nga makobrehan ang tanang materyal nga gitudlo sa maong semana, nga ang tanang parapo ginabasa, sama ra gayod sa naandang gihimo sa regular senemanang pagtuon. Ang Pagtuon sa Basahon sa Kongregasyon pagasundan ug pag-awit sa laing awit sa Gingharian. Dayon ang magtatan-aw sa sirkito mogamit ug 30 minutos sa pagdumala sa bahin nga “Padayon diha sa mga Butang nga Imong Nakat-onan.” Human niana, mopahayag siyag 30-minuto nga pakigpulong sa pag-alagad nga ginapahiangay ilabina sa mga panginahanglan sa kongregasyon nga ginaalagaran. Sa maong pakigpulong sa pag-alagad, siya mohatag ug tukma nga komendasyon ug tambag nga gidesinyo sa paglig-on sa kongregasyon ug sa pagdasig sa mga igsoon sa pagpabiling malig-on sa buluhaton sa Gingharian.
Ang maong miting taposon sa awit ug pag-ampo. Ang tanang awit nga gamiton ginapili sa magtatan-aw sa sirkito. Ang bug-os nga programa, apil ang mga awit ug mga pag-ampo, kinahanglang dili mosubra sa duha ka oras.
Kining kahikayana nga gisugdan niadtong 1977 nakaamot ug dako sa paghimo sa maong duaw sa magtatan-aw sa sirkito nga may pagkaespesyal alang sa kalipay ug kaayohan sa tibuok nga kongregasyon ug sa indibiduwal nga mga magmamantala nga nagatambong ug nagapakig-ambit niining maayo kaayong tagana sa kapunongan ni Jehova.