Bansaya ang Kaugalingon Uban sa Diyosnong Debosyon Ingong Imong Tumong
1 Ang Teokratikanhong Tunghaan sa Ministeryo sa mauswagon nagabansay kanato sa ‘tukmang paggamit sa pulong sa kamatuoran.’ (2 Tim. 2:15) Miduyog ka ba? Kon wala ug kuwalipikado ka, nganong dili mobenepisyo pinaagig pagpalista karon?
2 Usa ka importanteng bahin sa tunghaan mao ang programa sa senemanang pagbasa sa Bibliya. Ang eskedyol sa imong personal nga pagtuon kinahanglang magalakip sa pagbasa sa gitudlong mga kapitulo aron nga sa ngadtongadto mabasa mo ang tibuok Bibliya.
3 Sugod sa 1993 nga eskedyol sa tunghaan, ang pagbasa sa Bibliya nga kobrehan sa “Talk No. 2” pagabasahon sa iyang kinatibuk-an nga walay kal-ang. Kini nagapasabot nga ang estudyante nga magdumala niining pakigpulonga magahatag sa nagapatin-aw nga impormasyon diha lamang sa iyang pasiuna ug konklusyon. Ang igsoong lalaki nga natudlo sa Bible highlights kinahanglang molimite sa iyang mga komento diha sa mga bersikulo nga natudlo alang sa “Talk No. 2” aron ang mamumulong nianang pakigpulonga makatagik sa iyang impormasyon diha sa pagbasa sa Bibliya.
4 Ang magtatan-aw sa tunghaan magmarka sa tarhitang Speech Counsel alang niadtong magahatag sa “Talks No. 2, 3, 4.” Dili niya kinahanglang sundon ang han-ay diha sa “counsel slip” apan motambag sa mga puntos nga may panginahanglan ang estudyante sa pagpauswag. Dili kinahanglang markahan ang “counsel slip” sa mamumulong nga mohatag sa “Assignment No. 1,” bisan tuod ang pribadong tambag ikahatag sa dihang gikinahanglan.
5 Ang tanang kuwalipikado angayng mokuhag bug-os nga kaayohan sa pagbansay nga gitanyag diha sa Teokratikanhong Tunghaan sa Ministeryo. Ang maong pagbansay motultol ngadto sa mas mabungahong ministeryo.—1 Tim. 4:7.