Tun-i ang mga Librong Mabuhing Walay Kataposan ug Nahiusa sa Pagsimba
1 Ang tracts, mga brosyur, mga magasin, ug mga libro—ang tanan magamit sa pagsugod ug mga pagtuon sa Bibliya sa balay uban sa interesadong mga tawo. Tungod sa kaylap nga pagpanagtag ug kamadanihon niini, ang librong Ang Labing Bantogang Tawo nga Nabuhi Sukad gigamit sa pagsugod ug mga pagtuon.
2 Hinuon, adunay duha ka libro ilabina nga angayng tun-an sa mga bag-ohan sa pagtabang kanila sa pagsabot sa pasukaranang mga doktrina sa Bibliya maingon man sa Kristohanong mga suntoan sa pagkinabuhi. Kini mao ang: Ikaw Mabuhing Walay Kataposan sa Paraiso sa Yuta ug Nahiusa sa Pagsimba sa Bugtong Matuod nga Diyos. Girekomendar nga dihadiha segon sa maarangan, kadtong nagadumalag mga pagtuon sa Bibliya sa balay diha sa ubang mga basahon mobalhin ngadto sa usa niining mga libroha. Ang usa ka pagtuon sa Bibliya kinahanglang magpadayon hangtod matapos ang mga librong Mabuhing Walay Kataposan ug ang Nahiusa sa Pagsimba, bisan pag ang usa ka tawo mabawtismohan na una pa matapos ang ikaduhang libro. Kining pamaagiha magahatag ug dugang gidak-on sa kalalom ug espirituwal nga kalig-on sa estudyante.