Pangutana

◼ Unsang duha ka publikasyon ang angayng gamiton sa pagtuon sa Bibliya sa mga interesado?

Ang librong Gitudlo sa Bibliya maoy atong pangunang galamiton sa pagsugod ug pagdumalag mga pagtuon sa Bibliya. Bisan pag makagamit kitag laing publikasyon, sama sa usa ka haom nga tract sa pagsugod ug pagtuon sa Bibliya, paningkamoti nga mabalhin kana sa librong Gitudlo sa Bibliya sa labing madaling panahon. Daghang maayong resulta ang nabatonan sa paggamit sa librong Gitudlo sa Bibliya sa pagsugod ug mga pagtuon.

Sa dihang matapos na ang pagtuon sa librong Gitudlo sa Bibliya ug miuswag na ang estudyante, angayng isunod pagtuon ang librong Simbaha ang Diyos. (Col. 2:7) Ang panid 2 sa maong libro nagsaysay sa tumong niini: “Ang Bibliya nag-awhag sa tanang nahigugma sa Diyos sa ‘pagsabot . . . sa gihabogon ug giladmon’ sa iyang hamiling mga kamatuoran. (Efe. 3:18) Sa maong tumong, kining basahona giandam. Kami naglaom nga kini makatabang kanimo nga mouswag sa espirituwal ug masangkapag maayo sa paglakaw diha sa hiktin nga dalan nga motultol sa kinabuhi sa matarong bag-ong kalibotan sa Diyos.”

Kon ang gidumalahag pagtuon kuwalipikado na alang sa bawtismo bisag wala pa matapos ang duha ka libro, angayng ipadayon ang pagtuon hangtod matapos ang ikaduhang libro. Bisan kon bawtismado na ang maong estudyante, ang nagdumala magtaho gihapon sa oras, balikduaw, ug pagtuon sa Bibliya. Ang laing magmamantala nga miuban ug nakigbahin sa pagtuon makataho usab sa oras.