Pangutana

◼ Hangtod kanus-a tun-an ang usa ka mauswagong estudyante sa Bibliya?

Labing maayo nga humanon ang pagtuon kaniya sa librong Unsay Tinuod nga Gitudlo sa Bibliya? ug Magpabilin Kamo sa Gugma sa Diyos. Ipadayon gihapon ang pagtuon bisan pag siya bawtismado na apan wala pa niya matapos kining duha ka libro. Mahimo gihapon natong ireport ang oras, balik-duaw, ug ang pagtuon. Kon dunay magmamantala nga moduyog sa pagtuon, mahimo usab niyang ireport ang oras.—Tan-awa ang Marso 2009 nga Ministeryo sa Gingharian, panid 2.

Hinungdanon nga dunay lig-ong espirituwal nga pundasyon ang mga bag-ohan una nato ihunong ang pagtuon. Kinahanglang ‘nakagamot’ gayod sila kang Kristo ug adunay ‘lig-ong pagtuo’ aron makalahutay sa mga pagsulay. (Col. 2:6, 7; 2 Tim. 3:12; 1 Ped. 5:8, 9) Dugang pa, kinahanglang aduna silay “tukmang kahibalo sa kamatuoran,” aron epektibong makatudlo sa uban. (1 Tim. 2:4) Busa ang pagtuon kanila niining duha ka libro makatabang kanila nga masangkapan sa pagsubay sa “dalan padulong sa kinabuhi.”—Mat. 7:14.

Sa dili pa aprobahan sa mga ansiyano ang kandidato sa bawtismo, angay nilang paneguroon nga nasabtan gayod niya ang pangunang mga pagtulon-an sa Bibliya ug siya nagkinabuhi uyon niana. Ilabinang mag-amping ang mga ansiyano sa dihang mag-aprobar ug kandidato nga wala pa makahuman sa pagtuon sa unang libro. Kon ang usa dili pa kuwalipikado sa bawtismo, angayng paneguroon sa mga ansiyano nga siya matabangan aron mokuwalipikar sa umaabot.—Tan-awa ang Organisado Aron Buhaton ang Kabubut-on ni Jehova, panid 217-218.

[Blurb sa panid 2]

Hinungdanon nga dunay lig-ong espirituwal nga pundasyon ang mga bag-ohan