Tabangi Sila nga ‘Molig-on Diha sa Pagtuo’

Makapalipay nga gipanalanginan ni Jehova ang buluhatong pagpanigom, diin kapig 250,000 ang mabawtismohan kada tuig. (Deut. 28:2) Human tabangi sa usa ka magmamantala ang estudyante nga mabawtismohan, lagmit dili na niya ipadayon ang pag-Bible study kay mapokus na siya sa pagtabang sa uban. Ang estudyante usab tingali moundang sa pagpa-study aron makagugol ug dugang oras sa ministeryo. Pero, hinungdanon nga ang estudyante dunay maayong pundasyon sa kamatuoran. Kinahanglan silang ‘mogamot’ diha kang Kristo ug ‘molig-on diha sa pagtuo.’ (Col. 2:6, 7; 2 Tim. 3:12) Busa, human bawtismohi, angayng ipadayon ang pag-study kaniya hangtod mahuman ang duha ka librong Gitudlo sa Bibliya ug “Gugma sa Diyos.”—Tan-awa ang Atong Ministeryo sa Gingharian, Abril 2011, panid 2.