Mga Tigom sa Pagpasibot sa Maayong mga Buhat
1 Ang duha ka hinungdanong bahin sa atong pagsimba mao ang pagtambong sa mga tigom sa kongregasyon ug ang pagpakig-ambit sa pag-alagad sa kanataran. Duyog kining duha. Ang usa moimpluwensiya sa usa. Ang Kristohanong mga tigom modasig sa maayong mga buhat, ang labing maayo niana mao ang pagsangyaw sa Gingharian ug paghimog-tinun-an nga buluhaton. (Heb. 10:24) Kon mohunong kita sa pagtambong sa mga tigom, kita sa dili madugay mohunong sa pagsangyaw tungod kay wala kita madasig sa pagbuhat sa ingon.
2 Sa senemanang mga tigom, kita makadawat ug espirituwal nga instruksiyon nga gidisenyo sa pagdasig kanato sa pagsangyaw. Ang kadinalian sa mga panahon mao ang kanunayng gipasiugda, nga nagatukmod kanato sa pagdala sa nagahatag-kinabuhing mensahe sa Bibliya ngadto sa uban. Kita ginadasig ug ginapalig-on sa paglahutay diha sa buluhaton sa pagsangyaw. (Mat. 24:13, 14) Pinaagig pagpahimulos sa mga kahigayonan sa pagkomento diha sa mga tigom, mas maanad pa kita sa pagpahayag sa atong pagtuo atubangan sa uban. (Heb. 10:23) Pinaagig pagpatala sa Tunghaan sa Teokratikanhong Ministeryo, kita makadawat ug pagbansay nga mahimong mas epektibong mga ministro ug sa pagpauswag sa atong mga katakos sa pagtudlo.—2 Tim. 4:2.
3 Kon sa Unsang Paagi ang mga Tigom sa Pag-alagab Magbasig Kanato sa Pagsangyaw: Kitang tanan gidasig sa pag-usisa nga abante sa materyal diha sa Atong Ministeryo sa Gingharian. Kining impormasyona mahitisok dayon sa atong mga hunahuna sa dihang kita motambong sa Tigom sa Pag-alagad ug makita ang mga presentasyon nga gipasundayag gikan sa plataporma. Sa dihang atua na sa pag-alagad sa kanataran, atong mahunahuna pagbalik ang Atong Ministeryo sa Gingharian, mahinumdoman ang mga presentasyon nga gipasundayag, ug busa makahatag ug mas epektibong pagpamatuod. Mao na kini ang kasinatian sa daghang magmamantala.
4 Ingong paloap sa mga Tigom sa Pag-alagad, ang pipila makigsabot sa uban sa duyog nga pagpakig-ambit diha sa kanataran. Ang mga magmamantala adunay preskong mga puntos sa kanataran ug masibot sa paggamit niana sanglit kining mga tigoma nagdasig kanila sa pagpakig-ambit diha sa buluhatong pagsangyaw sa matag semana.
5 Walay kapuli sa atong Kristohanong mga tigom, diin kita makigtigom duyog sa atong mga isigkamagsisimba ug madasig sa maayong mga buhat. Kon ang atong ministeryo magmalamboon man, kinahanglang motambong kita nga makanunayon sa mga tigom sa kongregasyon. Hinaot nga atong ipakita ang pagpabili niining talagsaong tagana gikan kang Jehova pinaagig “dili talikdan ang atong mga panagkatigom.”—Heb. 10:25.