Ato Bang Ikatanyag ang Librong Creator?

Didto sa di pa dugayng distritong mga kombensiyon kitang tanan nalipay sa pagdawat sa librong Is There a Creator Who Cares About You? Kini maoy librong espesyal nga gidisenyo alang niadtong kinsa, bisan tuod naedukar pag-ayo sa sekular nga mga butang, tingali dili motuo sa Diyos. Kining libroha nagatagbaw sa nagakadakong panginahanglan.

Alang sa praktikal nga mga katarongan ang binulang tanyag nga literatura kasagaran magpasiugda sa mga publikasyon nga makapainteres sa daghan. Nagpasabot ba kini nga kinahanglang likayan nato ang pagtanyag sa librong Creator? Dili gayod! Kining libroha mahimong itanyag sa bisan unsang panahon sa tibuok tuig ngadto sa mga indibiduwal nga dili motuo sa Diyos ug nga mahimong makabenepisyo gikan niini. Mahimo usab kining itanyag ngadto sa mga indibiduwal nga nagtuo sa Diyos apan walay tinuod nga ideya kon kinsa siya o kon unsay iyang mga hiyas ug mga katuyoan. Busa ikaw gidasig sa pagdala ug kopya diha sa imong bag sa pagsangyaw ug magmaandam sa pagtanyag niini kang bisan kinsa nga imong gihunahunang mainteres sa pagbasa niini.