Ikaw ba Adunay Tinong Order sa Magasin?

¹ Nasulayan mo na ba sukad nga miadto sa tigom sa dayon na nga pagsangyaw ug nadiskobrehan nga wala ka ing mga magasin sa imong igsasangyaw nga bag? Aw, hinumdomi ang Enero 1996 nga pasukip sa Atong Ministeryo sa Gingharian nga nag-ulohag “Himoa ang Labing Maayong Paggamit sa Atong mga Magasin.” Kini nagsulti kanato nga “maghimog tinong pedido sa magasin,” nga nagsaysay: “Magpedido sa igsoong lalaki nga nagadumala sa mga magasin alang sa tinong gidaghanon sa mga kopya sa matag isyu. Niining paagiha, ikaw ug ang imong pamilya makabatog regular nga suplay sa mga magasin.” Nabuhat na ba nimo kini?

² Nganong dili mohangyo ug tinong order sa mga magasin? Imong bation ang mas dakong kaakohan sa pagpang-apod-apod sa mga magasin sa matag semana, ug imong masinati ang napauswag nga kangaya sa pagbuhat sa ingon. Kon ikaw aduna nay tinong order sa magasin, susiha pag-usab kon imo bang nabatonan ang gidaghanon nga imong gikinahanglan alang sa promedyong bulan diha sa ministeryo. Siyempre, buot natong mahimong kasaligan sa pagkuha sa atong order matag semana ug angayng bation ang obligasyon sa pagbuhat sa ingon. Kon ikaw molakaw sa kongregasyon sa dugayng panahon, pahibaloa ang alagad sa magasin kon buot ba nimong ihatag niya ang imong mga magasin ngadto sa lain hangtod nga ikaw mahibalik.

³ Ang samang pasukip nga gikutlo sa ibabaw nag-ingon usab nga kita kinahanglang “mag-eskedyul ug regular nga adlaw sa magasin.” Ikaw ba makapaluyo sa senemanang Adlaw sa Magasin? Sumala sa gipakita sa 1999 Calendar of Jehovah’s Witnesses, kini maoy sa matag Sabado sa tuig! Ayaw pakamenosa ang kahinungdanon sa pagpang-apod-apod sa Ang Bantayanang Torre ug Pagmata! Sa dihang himoon nato ang paningkamot nga makig-ambit sa bug-os sa magasin nga kalihokan, kita “nagadala sa maayong balita sa butang nga mas maayo” ngadto sa atong mga silingan.​—Isa. 52:7.