Kon Unsay Isulti Labot sa mga Magasin

Ang Bantayanang Torre Mar. 15

“Mouyon ka ba nga ang matarong nga pagmando maghimo niining yutaa nga mas maayong dapit nga puy-an? [Tugoting motubag.] Palihog matikdi kon unsay gisaad sa Bibliya. [Basaha ang Salmo 37:11.] Atong matagamtam ang maong kalinaw, nga matinuod unya ilalom sa usa ka hingpit nga Pangulo nga gipaila dinhi niining mga artikuloha.”

Pagmata! Mar. 22

“Ang mga linog nakapatunghag daghang kamatayon ug kalaglagan. Ang mga nakalabang-buhi sagad nawad-ag panimalay, nga walay paaging maulian. Kining gulaa sa Pagmata! nagpakita kon sa unsang paagi ang mga biktima nakahimo sa pagsagubang sa kahimtang human sa linog. Gipatin-aw usab niini kon sa unsang paagi ang mga linog nahimong bahin sa hinungdanon kaayong tagna sa Bibliya.”

Ang Bantayanang Torre Abr. 1

“Adunay koy ipaambit kanimo nga makapadasig-sa-kasingkasing nga impormasyon gikan sa Bibliya. [Basaha ang Mateo 22:37.] Unsay kahulogan niana sa imong hunahuna? [Tugoting motubag.] Tan-awa kining artikuloha, ‘Pangitaa ang Diyos Uban sa Imong Kasingkasing ug Hunahuna.’ Ang matuod nga pagtuo maglangkit ba lamang sa kasingkasing, o angay ba usab kining maglangkit sa hunahuna? Ang tubag maoy matin-aw.”

Pagmata! Abr. 8

“Sama sa imong nahibaloan, ang pag-atiman ug pamilya maoy usa ka lisod nga tahas karong mga adlawa, ug ang pagkahimong inahan maoy buluhaton nga naglangkit ug daghan kaayong mga butang. Kining gulaa sa Pagmata! adunay makapainteres nga paghisgot sa ulohang ‘Ang Pagkainahan​—Nagkinahanglan bag Usa ka Superyor nga Babaye?’ Buot kong ibilin kanimo kining kopyaha.”