Kon Unsay Isulti Bahin sa mga Magasin

Ang Bantayanang Torre Mar. 15

“Kadaghanan kanato nakasinati ug kaguol tungod sa kamatayon sa usa ka minahal. Pamilyar ba kanimo kining makapahupay nga saad? Sa imong hunahuna, makapahupay ba kining saara? [Basaha ang Buhat 24:15. Dayon patubaga.] Apan daghan ang naghunahuna, Kinsa kahay pagabanhawon? Kanus-a kini mahitabo? Asa kini mahitabo? Kining magasina naghatag sa mga tubag sa Bibliya nianang mga pangutanaha.”

Pagmata! Mar.

“Daghang tawo nagtuo nga Diyos si Jesus. Abi nimo, ang tinun-an ni Jesus nga si Pedro nagpaila kaniya ingong Anak sa Diyos. [Basaha ang Mateo 16:16.] Sa imong hunahuna, posible kahang si Jesus maoy Diyos ug sa samang higayon Anak sa Diyos? [Patubaga.] Kining artikuloha dinhi sa mga panid 12-13 naghisgot niining pangutanaha, nga naghatag sa hunahuna sa Bibliya.”

Ang Bantayanang Torre Abr. 1

“Kining iladong panultihon nagpasiugda sa kahinungdanon sa pagkuhag kahibalo bahin sa Diyos. [Basaha ang Mateo 4:4.] Apan, daghang tawo ang malisdan sa pagsabot sa Pulong sa Diyos. Mao ba usab kanay imong pagtuo? [Patubaga.] Kining magasina nagtanyag ug mapuslanong mga sugyot nga makatabang kanimo sa pagsabot sa Bibliya.”

Pagmata! Abr.

“Daghang tawo ang nanlimbasog nga magmalipayon, apan morag diyutay ra ang nakabaton niana. Sa imong hunahuna, makatabang kaha sa mga tawo kining mga butang nga gilista dinhi aron sila makabaton ug mas malipayong kinabuhi? [Ipakita ang kahon sa panid 9. Dayon basaha ang usa sa gisitar nga mga teksto.] Kining gulaa sa Pagmata! naghisgot bahin sa gipasukad-sa-Bibliya nga mga pamaagi aron mabatonan ang tinuod nga kalipay.”