Kon Unsay Isulti Labot sa mga Magasin

Ang Bantayanang Torre Mar. 15

“Ang mga tawo sa tibuok kalibotan nagdayeg sa mga pagtulon-an ni Jesus. [Basaha ang pangutlo sa panid 3, parapo 1.] Apan nagtuo ka ba nga ang maong mga pagtulon-an, sama sa pananglitan nga makita niini nga teksto, praktikal karon? [Basaha ang Mateo 5:21, 22a. Dayon tugoting motubag.] Kining magasina naghisgot kon unsay gitudlo ni Jesus ug kon sa unsang paagi kita makabenepisyo gikan niana.”

Pagmata! Mar. 22

“Daghang tawo ang ganahan sa kabukiran tungod sa ilang katahom, apan nahibalo ka ba nga hinungdanon kini alang sa kinabuhi dinhi sa yuta? [Tugoting motubag.] Kining magasina naghisgot kon nganong gikinahanglan nato ang kabukiran ug kon unsay nagakahitabo kanila karon. Gihisgotan usab niini kon sa unsang paagi luwason sa Maglalalang kining hinungdanong kahinguhaan.” Basaha ang Salmo 95:4.

Ang Bantayanang Torre Abr. 1

“Nakadungog ka na ba sukad nga giingon nga ang siyensiya ug ang Bibliya nagkasumpaki? [Tugoting motubag.] Kining magasina nagsusi sa kasaysayan sa panagsumpaki tali sa siyensiya ug relihiyon. Apan gihatag usab niini ang ebidensiya nga nagpakita nga ang tinuod nga siyensiya kaharmonya sa Bibliya.” Ipakita ang mga panid 6-7. Dayon basaha ang Ecclesiastes 1:7.

Pagmata! Abr. 8

“Sa imong hunahuna, sa unsang paagi matabangan sa mga ginikanan ang ilang mga anak aron malikayan ang mga problema panahon sa malisod nga katuigan sa pagkatin-edyer? [Tugoting motubag. Dayon basaha ang Isaias 48:17, 18.] Gipakita niining magasina kon sa unsang paagi ang pagpadapat sa tambag sa Bibliya makatabang sa mga ginikanan sa pagpalambo ug maayong komunikasyon uban sa ilang mga anak ug sa paghimog makataronganong mga utlanan alang kanila.”