Kon Unsay Isulti Labot sa mga Magasin

Ang Bantayanang Torre Mar. 15

“Nagtuo ka ba nga ang mga pagtulon-an ni Jesus praktikal alang sa atong panahon? [Tugoting motubag.] Walay duhaduha nga mouyon ka niining sugoa nga gihatag ni Jesus sa kataposang adlaw sa iyang kinabuhi. [Basaha ang Juan 15:12.] Nagtudlo usab si Jesus ug uban pang hinungdanong mga pagtulon-an nianang adlawa. Kining gulaa sa Ang Bantayanang Torre nagpakita kon sa unsang paagi makabenepisyo kita gikan niana.”

Pagmata! Mar. 22

“Namatikdan ba nimo nga karong adlawa daghang tawo ang dili makatulog ug maayo? [Tugoting motubag.] Ang kabalaka mahimong maoy usa sa nakaingon niini. [Basaha ang Ecclesiastes 5:12.] Kining magasina nagsusi sa pipila ka hinungdan sa insomnia, ug gihatag niini ang praktikal nga mga sugyot kon sa unsang paagi mapauswag nato ang atong mga batasan sa pagkatulog.”

Ang Bantayanang Torre Abr. 1

“Gipakita dinhi ang pagpangaon nga dugay nang nailhan nga Kataposang Panihapon. [Ipakita ang atubangan ug likod sa magasin.] Nahibalo ka ba nga mao lamang kini ang bugtong hitabo nga gisugo ang mga Kristohanon sa pagsaulog? [Tugoting motubag. Dayon basaha ang Lucas 22:19.] Kining magasina nagpatin-aw kon nganong hinungdanon kining maong kasaulogan ug kon sa unsang paagi makaapektar kini kanimo.”

Pagmata! Abr. 8

“Dili ba makapasubo nga daghang kinabuhi sa mga batan-on ang nadaot tungod sa mga droga? [Tugoting motubag.] Kasagaran ang mga suliran magsugod sa dihang ang mga batan-on makighugoyhugoy sa sayop nga mga tawo. [Basaha ang 1 Corinto 15:33.] Kining gulaa sa Pagmata! nagsusi kon unsay nakaimpluwensiya sa mga batan-on nga mosugod paggamit ug mga droga ug kon unsay mahimo sa mga ginikanan sa pagpanalipod kanila.”