Kon Unsay Isulti Labot sa mga Magasin

Ang Bantayanang Torre Mar. 15

“Gusto ka namong dapiton sa pagsaulog sa Panihapon sa Ginoo sa Dominggo, Abril 4. [Ipatin-aw ginamit ang luyong hapin sa magasin o ang pinatik nga imbitasyon sa Memoryal. Dayon basaha ang Lucas 22:19.] Ang nag-unang mga artikulo niining gulaa sa Ang Bantayanang Torre naghisgot sa kahulogan sa maong okasyon ug kon sa unsang paagi kini saulogon.”

Pagmata! Mar. 22

Human mahisgoti ang usa ka makapasubo nga hitabo nga anaa sa hunahuna sa mga tawo, isukna: “Nahibulong ka ba kon nganong gitugotan sa Diyos nga mahitabo ang maong mga butang? [Tugoting motubag. Dayon basaha ang Santiago 1:13.] Kining artikuloha, nga gisulat ilabina alang sa mga batan-on, nagpatin-aw kon nganong ang atong mahigugmaong Maglalalang wala pa mangilabot aron taposon ang pag-antos sa tawo.”

ANG Bantayanang Torre Abr. 1

“Ang misteryosong kahubitan sa Bibliya mahitungod sa marka sa mapintas nga mananap maoy pipila ka kabatbatan nga nakapukaw ug daghang pagbanabana. Nakadungog ka na ba niana sukad? [Tugoting motubag. Dayon basaha ang Pinadayag 13:16-18.] Ang Bibliya mismo naghatag ug mga paagi sa pagsabot sa kahulogan niining misteryoha. Kining magasina nagpatin-aw kon unsa kana.”

Pagmata! Abr. 8

“Kadaghanang tawo sinati sa sugilanon sa kinabuhi ni Moises. Apan nahibalo ka ba nga dunay giingon si Moises nga makaapektar sa atong kinabuhi karong adlawa? [Tugoting motubag. Dayon basaha ang Deuteronomio 18:15.] Kining gulaa sa Pagmata! naghisgot kon kinsa ang maong gitagna nga manalagna ug kon unsay iyang pagabuhaton alang sa kaayohan sa katawhan.”