Kon Unsay Isulti Labot sa mga Magasin

Ang Bantayanang Torre Agos. 15

“Sa imong hunahuna unsa ang kinalabwang matang sa pagkamaunongon? [Tugoting motubag.] Kining artikuloha nagpasiugda sa pagkamaunongon ngadto sa matuod nga Diyos. [Ipunting ngadto sa panid 5, ug basaha ang 2 Samuel 22:26.] Nahibalo ka ba nga ang pagkamaunongon ngadto sa Diyos makatabang sa pagpugong sa mga tawo sa paglihok nga di-mahigugmaon ngadto sa uban? Nahibalo ko nga malingaw ka sa pagbasa bahin niini.”

Pagmata! Agos. 22

“Nabalaka ka ba gayod nga ang problema sa katawhan sa polusyon dili na makontrolar? [Tugoting motubag.] Ang pangunang hinungdan sa problema mao ang pag-usik-usik. Gitudloan ni Jesus ang iyang mga sumusunod nga dili mag-usik-usik. [Basaha ang Juan 6:12.] Kining magasina nagpakita kon sa unsang paagi ang pagsunod sa mga prinsipyo sa Bibliya makatabang sa mga pamilya nga malikayan ang panghunahunang pag-usik-usik.”

Ang Bantayanang Torre Sep. 1

“Namatikdan mo ba nga sa daghang dapit ang mga managsilingan wala magkailhanay sa usag usa sama sa ilang naandan? [Tugoting motubag.] Si Jesus naghisgot ug usa ka prinsipyo nga hinungdanon gayod sa pagkahimong maayong silingan. [Basaha ang Mateo 7:12.] Kining mga artikuloha nagpakita kon sa unsang paagi mahimo kitang maayong mga silingan ug magdasig sa uban sa paghimo usab niana.”

Pagmata! Sep. 8

“Alang sa daghang tawo karon, ang kinabuhi wala gayoy kasegurohan. [Basaha ang Ecclesiastes 9:11.] Asa man makaplagan ang kasaligang giya? [Tugoting motubag.] Ang pipila midangop sa numerology. Mao ba kini ang paagi aron mahibaloan ang imong dulnganan? Asa mo man makaplagan ang kasaligang impormasyon bahin sa kaugmaon? Ang Pagmata! naghatag sa mga tubag.”