Kon Unsay Isulti Labot sa mga Magasin

Ang Bantayanang Torre Agos. 15

“Kadaghanan sa mga tawo nagpabili sa maayong dungog. Naghunahuna pa gani ang uban kon sa unsang paagi sila mahinumdoman kon mamatay na sila. Naghunahuna ka ba gayod bahin niana? [Tugoting motubag. Dayon basaha ang Ecclesiastes 7:1.] Ang Bantayanang Torre naghisgot kon sa unsang paagi maangkon nato ang usa ka maayong ngalan uban sa mga tawo o sa Diyos.”

Pagmata! Agos. 22

“Nahibalo ka kon unsa ka sakit kon ikaw o usa ka membro sa imong pamilya gidaogdaog. [Tugoting motubag.] Kining gulaa sa Pagmata! naghatag ug praktikal nga mga sugyot alang sa mga biktima sa pagdaogdaog. Naghisgot usab kini sa saad sa Diyos sa usa ka panahon sa dihang ang kinabuhi bug-os nga mahigawas gikan sa maong mga problema.” Basaha ang Miqueas 4:4.

Ang Bantayanang Torre Sep. 1

“Gibati sa daghang tawo nga ang nagkalainlaing relihiyon sa katawhan maoy lainlaing mga dalan lamang paingon sa samang dulnganan. Nagtuo ang uban nga dunay usa lamang ka matuod nga pagtuo. Nahibulong ka ba bahin niana? [Tugoting motubag.] Kining magasina nagsusi sa karaang sambingay nga naghatag ug katin-awan sa maong suliran.” Ipasiugda ang Mateo 13:24-30.

Pagmata! Sep. 8

“Ang mga uso dakog impluwensiya sa kinabuhi sa daghang tawo karong adlawa. Gibati sa uban nga sobra ang pagpasiugda sa kon unsay isul-ob sa mga tawo ug kon unsay ilang hitsura. Unsay imong hunahuna? [Tugoting motubag.] Ang Pagmata! nagpresentar ug balanseng panglantaw sa uso.” Basaha ang Colosas 3:12.