Kon Unsay Isulti Labot sa mga Magasin

Ang Bantayanang Torre Agos. 15

“Karong adlawa, ang mga tawo mangitag tambag gikan sa daghang tinubdan mahitungod sa kaminyoon ug pagmatuto sa mga anak. Asa man makaplagi sa hunahuna mo ang labing maayong tambag? [Tugoting motubag.] Kining gulaa sa Ang Bantayanang Torre naghisgot sa pipila ka maalamong tambag bahin sa pamilyahanong kinabuhi nga gitagana sa Maglalalang sa tawo.” Basaha ang Salmo 32:8.

Pagmata! Agos. 22

“Unsa ka hinungdanon sa hunahuna mo nga malangkit ang mga amahan sa kinabuhi sa ilang mga anak? [Tugoting motubag.] Kining gulaa sa Pagmata! naghisgot sa nagtubo nga suliran maylabot sa mga amahan nga wala mag-atiman sa ilang mga anak. Gipatin-aw usab niini kon sa unsang paagi ang mga amahan makahatag ug positibong epekto sa ilang mga anak.” Basaha ang Proverbio 13:1.

Ang Bantayanang Torre Sept. 1

“Kitang tanan buot malipay. Nagtuo ka ba nga ang mga butang nga gihisgotan dinhi makahatag gayod ug kalipay? [Basaha ang Mateo 5:4a, 6a, 10a. Dayon tugoting motubag.] Kining magasina nagpatin-aw sa kahulogan sa maong mga pulong gikan sa nabantog nga Wali sa Bukid ug gihisgotan niini kon unsa pay gikinahanglan aron magmalipayon.”

Pagmata! Sept. 8

“Gibanabana nga 1 sa 4 ka tawo ang mag-antos sa sakit sa utok sa usa ka yugto sa ilang kinabuhi. Daghan kanato nakaila ug tawo nga nag-antos niana. [Ipakita ang artikulo.] Kining artikuloha nagtanyag ug mapuslanong mga sugyot kon unsay atong mahimo kon ang usa nga atong gimahal ingon niana ang kahimtang.”