Kon Unsay Isulti Bahin sa mga Magasin

Ang Bantayanang Torre Agos. 1

“Mouyon ka ba nga magmalipayon ang pamilya kon sundon kini nga sugo ni Jesus? [Basaha ang Juan 13:34. Patubaga.] Kining artikuloha naghisgot kon sa unsang paagi mapadapat sa matag membro sa pamilya ang mga pagtulon-an ug panig-ingnan ni Jesus.” Ipakita ang artikulo sa panid 16 ug 17.

Pagmata! Agos.

“Sa imong hunahuna masulbad kaha sa mga gobyerno sa tawo ang nagakainit nga klima sa tibuok kalibotan? [Patubaga. Dayon basaha ang Jeremias 10:23.] Mainteres gyod ka niining artikuloha. Gihisgotan niini kon unsay himoon sa Diyos aron masulbad ang mga problema nga nagpameligro sa atong planeta.”

Ang Bantayanang Torre Sept. 1

“Daghang tawo ang sinati sa mga pulong ni Jesus sa Mateo 6:9. [Basaha.] Apan wala sila mobating suod sa Diyos ingong usa ka Amahan. Sa imong hunahuna, sa unsang paagi kaha kita masuod sa Diyos? [Patubaga.] Kining magasina naghisgot sa lainlaing mga hiyas sa atong langitnong Amahan ug kon sa unsang paagi kita masuod kaniya.”

Pagmata! Sept.

“Sulod sa daghang katuigan, gidebatehan sa mga tawo kon duna bay kinabuhi sa laing kalibotan inigkamatay nato. Unsay imong hunahuna bahin niini? [Patubaga.] Matikdi kon unsay hunahuna ni Job bahin niini. [Basaha ang Job 14:14, 15.] Kining mga artikuloha naghisgot kon unsay gitudlo sa Bibliya nga mahitabo inigkamatay sa tawo.”