Kon Unsay Isulti Bahin sa mga Magasin

Ang Bantayanang Torre Hul. 15

“Makapaguol gayod kon mamatyan kitag mga minahal. Sa imong hunahuna, buhi pa kaha sila didto sa laing kalibotan? [Patubaga.] Si Jesus naghatag niining makapadasig nga saad. [Basaha ang Juan 5:28, 29.] Sanglit nag-ingon man si Jesus nga may ‘nagsingabot’ nga pagkabanhaw, kining magasina nagpatin-aw kon hain na karon ang mga patay sumala sa Bibliya.”

Pagmata! Hul.

“Daghang tawo ang naningkamot nga magkinabuhi sa kinamaayohang paagi kutob sa mahimo ug mibati sila nga kini hinungdanon aron mahimong maayong tawo. Mao ba usab kanay imong panglantaw sa kinabuhi? [Patubaga.] Matikdi kining kapeligrohan kon ang atong panglantaw lahi sa panglantaw sa Diyos sa kon unsay maayo. [Basaha ang Proverbio 14:12.] Kining artikuloha naghisgot kon unsay kahulogan sa pagkahimong maayong tawo sumala sa panglantaw sa Diyos.” Ipakita ang artikulo nga magsugod sa panid 20.

Ang Bantayanang Torre Agos. 1

“Mahimo bang masayran ang imong opinyon sa giingon dinhi ni Jesus? [Basaha ang Mateo 5:3.] Sa imong hunahuna, hinungdanon ba gayod ang espirituwalidad aron kita magmalipayon? [Patubaga.] Gipakita niining magasina kon unsay giingon sa Bibliya bahin sa tinuod nga espirituwalidad ug kon sa unsang paagi atong maangkon kini.”

Pagmata! Agos.

“Sa imong hunahuna, asa makakaplag ang mga ginikanan ug tambag nga makatabang gayod kanila? [Patubaga.] Matikdi kining giingon sa Bibliya. [Basaha ang 2 Timoteo 3:16.] Gipakita niining magasina kon unsa gayod ka mapuslanon ang Bibliya sa pagtabang sa mga ginikanan sa pagmatuto ug malipayong mga anak.”