Kon Unsay Isulti Bahin sa mga Magasin

Ang Bantayanang Torre Hul. 1

“Sa imong hunahuna, posible kahang makabaton ug suod nga relasyon ang mga tawo uban sa Labing Gamhanan nga Diyos? [Patubaga. Dayon basaha ang Buhat 17:27.] Kining artikuloha naghisgot kon nganong makaseguro kita nga gusto sa Diyos nga masuod kita kaniya.” Ipakita ang artikulo nga nagsugod sa panid 10.

Pagmata! Hul.

“Gipakita sa mga kalingawan karon nga daghan na ang mahiligon sa espiritismo. Sa imong hunahuna, dili ba makadaot ang pagpakiglangkit niana? [Patubaga. Dayon basaha ang Deuteronomio 18:10-12.] Kining artikuloha nagpakita kon unsay giingon sa Bibliya bahin sa kapeligrohan sa espiritismo.” Ipakita ang artikulo nga nagsugod sa panid 10.

Ang Bantayanang Torre Agos. 1

“Daghan ang nabalaka bahin sa kaugmaon sa yuta tungod sa grabeng suliran sa kalikopan karon. Unsay imong hunahuna bahin niana? [Patubaga. Dayon basaha ang Salmo 37:11.] Kining magasina nagpasiugda sa pipila ka rason sa Kasulatan kon nganong dili kita angay mabalaka.”

Pagmata! Agos.

“Daghan ang kombinsido nga ang pag-init sa kalibotan nagpameligro sa kinabuhi dinhi sa yuta. Sa imong hunahuna, sa unsang paagi kaha masulbad kining sulirana? [Patubaga. Dayon basaha ang Isaias 11:9.] Gisaysay niining magasina nga kining yutaa padayong maglungtad aron atong puy-an.”