Kon Unsay Isulti Bahin sa mga Magasin

Ang Bantayanang Torre Hul. 15

“Sulod sa libolibong katuigan sa kasaysayan sa tawo, naugmad sa katawhan ang daghan kaayong nagkalainlaing mga tinuohan. Sa imong hunahuna, posible ba nga ikaw mahibalo kon unsay matuod ug kon unsay bakak? [Patubaga.] Kining magasina naghisgot kon asa nimo makaplagan ang matuod nga mga pagtulon-an nga makapahimuot sa Diyos.” Basaha ang 2 Timoteo 3:16.

Pagmata! Hul. 22

“Makapaguol kaayo ang pagkakita sa pag-antos gumikan sa kinaiyanhong mga katalagman. [Hisgoti ang pipila ka pananglitan sa inyong dapit.] Nagtuo ka ba nga nagdaghan ang maong mga katalagman? [Patubaga.] Kining magasina naghisgot sa maong pangutana. Naghatag usab kinig paghupay alang niadtong nawad-ag mga minahal gumikan sa maong mga trahedya.” Basaha ang Juan 5:28, 29.

Ang Bantayanang Torre Agos. 1

“Nag-antos ang daghang tawo karon sa pagbati sa pagkawalay-pulos. Sa imong hunahuna, unsay mahimo sa pagtabang kanila? [Patubaga.] Kining magasina naghisgot kon sa unsang paagi ang Bibliya makatabang kanila aron makakaplag silag tinuod nga kalipay.” Ipasiugda ang mga tekstong gipatik sa tataw nga mga letra diha sa artikulong “Ang Bibliya Makatabang Kanimo sa Pagkaplag ug Kalipay.”

Pagmata! Agos. 8

“Daghang tawo karon ang nagkinabuhi kanunay diha sa kahadlok. Sa imong hunahuna, unsay nakaingon nianang kaylap nga kahadlok? [Patubaga.] Kining magasina naghatag ug mapuslanong mga sugyot sa pagpanalipod sa atong kaugalingon batok sa kasagarang mga kapeligrohan. Naghisgot usab kini sa saad sa Bibliya bahin sa usa ka kalibotan nga wala nay kahadlok.” Basaha ang Isaias 11:9.