Kon Unsay Isulti Labot sa mga Magasin

Ang Bantayanang Torre Hul. 15

“Daghan ang nakamatikod sa nag-uswag nga kiling sa mga tawo sa pagpalain sa ilang kaugalingon. Sa imong hunahuna, maalamon ba ang maong dalan? [Tugoting motubag.] Matikdi kining maalamong panultihon bahin sa bili sa panag-ubanay. [Basaha ang Ecclesiastes 4:9, 10.] Kining magasina naghisgot kon nganong kitang tanan nagkinahanglan sa uban ug kon sa unsang paagi masulbad ang suliran sa pagpalain sa kaugalingon.”

Pagmata! Hul. 22

“Daghang tawo ang nabalaka bahin sa kakaylap nga mabatonan sa pornograpiya. Nagtuo ka ba nga angay kining kabalak-an? [Tugoting motubag.] Ang praktikal nga tambag nga makita diha sa Bibliya makapanalipod kanato. [Basaha ang Efeso 5:​3, 4.] Kining magasina nagpakita kon sa unsang paagi mapanalipdan nato ang atong kaugalingon batok niining malimbongong kapeligrohan.”

Ang Bantayanang Torre Agos. 1

“Nahibalo ka ba nga sumala sa usa ka taho, kapin sa katunga sa populasyon sa kalibotan nagkinabuhi nga ubos sa $2 ang adlaw? Aduna ka bay nahunahunaan nga makasulbad niining problemaha? [Tugoting motubag.] Kining gulaa sa Ang Bantayanang Torre nagpunting sa permanenteng solusyon sa kakabos sumala sa giingon sa Bibliya.”​—Basaha ang Salmo 72:​12, 13, 16.

Pagmata! Agos. 8

“Sa di pa dugayng katuigan, ang mga katalagman nga nalangkit sa panahon nakapatunghag grabeng kadaot sa tibuok kalibotan. Sa imong hunahuna, unsa kahay angayng himoon aron mamenosan ang pag-antos nga gipahinabo niini? [Tugoting motubag.] Kining magasina nagsusi sa problema sa nag-usab-usab nga dagan sa panahon maingon man sa solusyon nga gilatid diha sa Bibliya.”​—Basaha ang Isaias 35:1.