Kon Unsay Isulti Bahin sa mga Magasin

Ang Bantayanang Torre Hul. 15

“Sa imong hunahuna, makakita pa kaha kitag usa ka kagamhanan nga makasulbad sa mga problema sa katawhan? [Patubaga.] Gitudloan ni Jesus ang iyang mga tinun-an sa pag-ampo alang sa maong kagamhanan diha sa iyang mga pulong nga narekord sa Mateo 6:9, 10. [Basaha.] Kining magasina nagpatin-aw kon nganong ang Gingharian sa Diyos maoy labaw sa tawhanong kagamhanan ug naghisgot kon unsang mga panalangin ang dad-on niini alang sa katawhan.”

Pagmata! Hul.

Sa dihang makahibalag kag batan-on, makaingon ka: “Daghang batan-on nga sama nimog panuigon ang naghunahuna bahin sa kaminyoon. Sa imong hunahuna, asa ka makakaplag ug kasaligang impormasyon bahin sa kaminyoon? [Patubaga.] Matikdi kon kinsay nagmugna sa kaminyoon. [Basaha ang Mateo 19:6.] Gihisgotan niining magasina ang pipila ka prinsipyo sa Bibliya nga makatabang sa pagtukod ug malipayong kaminyoon.”

Ang Bantayanang Torre Agos. 1

“Kanunay kitang makakitag mga tawo karon nga nagmaltratar sa uban. Sa imong hunahuna, mausab pa kaha ang mga kahimtang kon mas daghang tawo ang magpadapat niining mga pulonga ni Jesus? [Basaha ang Mateo 7:12. Dayon patubaga.] Gipakita niining magasina gikan sa Bibliya kon sa unsang paagi maangkon ang pangunang katungod sa mga tawo maylabot sa dignidad.”

Pagmata! Agos.

“Kitang tanan interesado sa maayong pag-atiman sa panglawas. Nahibalo ka ba nga daghang doktor karon ang nagpanuko sa pag-abonog dugo? [Patubaga.] Gipatin-aw niining magasina kon ngano. Gipatin-aw usab niini gikan sa Bibliya kon nganong giisip sa Diyos nga bililhon ang dugo.” Basaha ang Levitico 17:11.