Mga Tagana sa Pagtabang Kanato nga Dili Madugangan ug Dugo
Ang bawtismadong mga magmamantala nga nakapil-ap na ug Advance Medical Directive/Release card o Identity Card sa 2003 dili na kinahanglang magpil-ap ug bag-o niining tuiga. Alang sa Tigom sa Pag-alagad sa semana sa Disyembre 29, ang sekretaryo kinahanglang magbaton ug igong gidaghanon sa mga kard alang sa bag-ong bawtismadong mga magmamantala, sa ilang mga anak, ug alang niadtong kinahanglang ilisan. Ang mga kongregasyon dili padad-an ug suplay niining mga butanga. Kon ang kongregasyon walay igong mga kard nga nabatonan, mahimong susihon sa sekretaryo ang duol nga mga kongregasyon o maghangyo ug dugang mga kard sa sunod nga hangyo sa literatura sa kongregasyon.
Ang mga kard kinahanglang maampingong pil-apan sa balay apan DILI pirmahan. Sa sunod nga Pagtuon sa Libro sa Kongregasyon, ang mga kard angayng pirmahan, saksihan, ug petsahan, uban sa abag sa magtatan-aw sa pagtuon sa libro kon gikinahanglan. Ang mga mosaksi kinahanglang aktuwal nga makakita sa pagpirma sa tag-iya sa kard.
Ang di-bawtismadong mga magmamantala mahimong magsulat ug mga direktiba alang sa ilang kaugalingon ug sa ilang mga anak pinaagi sa pagsundog sa mga pulong diha sa kard nga Advance Medical Directive/Release ug Identity Card.