Pangandam na Karon Para sa Medical Emergency

Nganong mangandam? Ang mga medical emergency ug pagkaospital sagad kalit rang mahitabo. Busa sa dili pa mahitabo ang emergency, pangandam na karon aron madawat nimo ang pinakamaayong medikal nga pag-atiman nianang panahona. Pinaagi niana, imong gipakita nga imong gitahod ang kinabuhi ug ang balaod ni Jehova bahin sa dugo.​—Buh 15:28, 29.

Unsaon nimo pagpangandam?

• Pag-ampo ug hunahunaa pag-ayo kon unsay imong isulat sa durable power of attorney (DPA) card.a Ang bawtismadong mga magmamantala makapangayo sa literature servant ug DPA card para sa ilang kaugalingon ug Identity Card (ic) para sa ilang menor de edad nga mga anak

• Kon buntis ka, pangayo sa mga ansiyano ug kopya sa Impormasyon Alang sa mga Nagbuntis (S-401). Kini nga dokumento makatabang nimo sa paghimog maayong mga desisyon bahin sa medikal nga mga isyu nga posibleng motungha panahon sa imong pagbuntis ug pagpanganak

• Kon kinahanglan kag medical procedure nga posibleng maglangkit sa dugo o kinahanglan kang i-admit sa ospital, abante kining isulti ngadto sa mga ansiyano ug pahibaloa ang ospital nga duawon kag ministro nga Saksi ni Jehova

Sa unsang paagi makatabang ang mga ansiyano? Puwede ka nilang tabangan sa pagpil-ap ug DPA card. Pero dili sila mohimog medikal nga mga desisyon para nimo o mohatag sa ilang personal nga opinyon bahin sa mga butang nga angayng desisyonan sa matag indibiduwal. (Rom 14:12; Gal 6:5) Dihang masultihan na nimo ang mga ansiyano nga nag-atubang kag medikal nga situwasyon nga posibleng motungha ang isyu sa dugo, kontakon dayon nila ang Hospital Liaison Committee (HLC) para nimo.

Sa unsang paagi makatabang ang HLC? Ang mga brader sa HLC gibansay aron tabangan ang mga doktor ug abogado nga masabtan ang atong relihiyosong baroganan bahin sa dugo. Puwede nilang hisgotan uban sa imong doktor ang mga paagi sa pagtambal nga dili mogamit ug dugo. Kon kinahanglan, puwede ka nilang tabangan sa pagpangitag doktor nga mokooperar sa imong desisyon bahin sa dugo.

TAN-AWA ANG VIDEO NGA KON UNSAON PAGHIMOG DESISYON BAHIN SA PAGTAMBAL NGA NAGGAMIT UG DUGO, DAYON TUBAGA ANG MOSUNOD NGA PANGUTANA:

• Unsay imong nakat-onan sa video nga makatabang nimo nga mahimong andam sa medical emergency nga nalangkit ang dugo?

  textarea-1