Kon Unsay Isulti Labot sa mga Magasin

Ang Bantayanang Torre Dis. 15

“Niining panahona sa tuig, daghang tawo ang naghunahuna bahin sa pagkatawo ni Jesus. Nahibulong ka ba sukad kon unsang matanga sa pamilya nga siya nagdako? [Tugoting motubag. Dayon basaha ang Lucas 2:51, 52.] Kining gulaa sa Ang Bantayanang Torre naghisgot sa praktikal nga mga pagtulon-an nga atong makuha gikan sa rekord sa Bibliya bahin sa pagmatuto kang Jesus.”

Pagmata! Dis. 22

“Kitang tanan nagtinguha nga makakita sa atong mga anak nga magkinabuhi ug malipayon, malamposon nga kinabuhi. Sa imong hunahuna, unsay labawng gikinahanglan sa mga anak aron makasagubang sa pit-os nga kalibotan karon? [Tugoting motubag. Dayon basaha ang Proverbio 22:6.] Kining gulaa sa Pagmata! naghisgot kon unsay gikinahanglan sa mga anak ug kon sa unsang paagi matagana sa mga ginikanan kining mga panginahanglana.”

Ang Bantayanang Torre Ene. 1

“Daghang tawo ang nangandoy alang sa pakigdait sa yuta. Sa imong hunahuna, makita kaha nato kining mga pulonga nga matuman? [Basaha ang Salmo 46:9. Dayon tugoting motubag.] Kining gulaa sa Ang Bantayanang Torre naghisgot kon sa unsang paagi kini matuman ug kon nganong makasalig kita sa saad sa Diyos sa usa ka kalibotan nga walay gubat.”

Pagmata! Ene. 8

“Sa tibuok kalibotan, milyonmilyong tawo ang nag-antos sa mga mood disorder, sama sa depresyon. Ang atong Maglalalang nahingawa pag-ayo sa maong mga tawo. [Basaha ang Salmo 34:18.] Kining magasina naghisgot kon sa unsang paagi matabangan ang mga nag-antos niana. Gihisgotan usab niini ang saad sa Bibliya nga sa dili madugay ang tanang balatian pagahanawon na.”