Kon Unsay Isulti Labot sa mga Magasin

Ang Bantayanang Torre Dis. 15

“Niining panahona sa tuig, ang mga tawo sa kalibotan maghinumdom sa pagkahimugso ni Jesus sa daghan kaayong paagi. Nahibalo ka ba nga ang tagna sa Bibliya naglangkit sa pagkahimugso ni Jesus uban sa dumalayong pakigdait? [Tugoting motubag. Dayon basaha ang Isaias 9:​6, 7.] Kining magasina magpatin-aw kon unsaon pagkab-ot ang maong pakigdait.”

Pagmata! Dis. 22

“Namatikdan ba nimo nga ang katilingban daw naghatag ug dugang pagtagad kon unsay panagway sa mga tawo? [Tugoting motubag.] Gihisgotan niining magasina ang pipila ka kapeligrohan sa sobrang pagtagad sa katahom. Gipasiugda usab niini ang bili sa matang sa katahom nga labing hinungdanon.” Basaha ang 1 Pedro 3:​3, 4.

Ang Bantayanang Torre Ene. 1

“Ang kadaghanang relihiyon nagtudlo nga ang mga tawo kinahanglang maghigugma sa ilang silingan. [Basaha ang Mateo 22:39.] Nan, sa imong hunahuna nganong nalangkit man ang relihiyon sa labihan ka daghang gubat ug mga kagubot sa kalibotan? [Tugoting motubag.] Kining gulaa sa Ang Bantayanang Torre motubag sa pangutana, Makapahiusa ba sa Katawhan ang Relihiyon?”

Pagmata! Ene. 8

“Unsaon man nimo pagtubag niining pangutanaha? [Basaha ang pangutana diha sa hapin. Dayon tugoting motubag.] Ang mga kahinguhaan sa yuta nagkadiyutay sa makapalisang nga gikusgon. Apan, matikdi kining makapadasig nga saad. [Basaha ang Salmo 104:5.] Gipatin-aw niining gulaa sa Pagmata! kon sa unsang paagi ang atong planeta sa di madugay mamaayo ra sa bug-os.”