Kon Unsay Isulti Labot sa mga Magasin

Ang Bantayanang Torre Dis. 15

“Niining panahona sa tuig, daghan ang naghunahuna bahin sa pagkatawo ni Jesus. Nahibalo ka ba nga duna kitay bililhong mga pagtulon-an nga makat-onan gikan sa asoy sa Bibliya maylabot sa iyang pagkatawo? [Tugoting motubag. Dayon ipunting ngadto sa panid 5, ug basaha ang 2 Timoteo 3:16.] Kining gulaa sa Ang Bantayanang Torre naghisgot sa pipila sa maong mga pagtulon-an.”

Pagmata! Dis. 22

“Gibati mo bang makataronganon ang mga ginikanan nga mabalaka kon sa unsang paagi maapektohan ang ilang mga anak sa mapintas nga kalingawan karong adlawa? [Tugoting motubag.] Ubay-ubayng ginikanan ang naggamit niining bersikuloha sa Bibliya ingong giya. [Basaha ang Salmo 11:5.] Kining gulaa sa Pagmata! motabang sa mga pamilya sa pagsusi sa mga risgo nga nalangkit sa elektronikong mga dula.”

Ang Bantayanang Torre Ene. 1

“Sa dihang ang mga tawo mamatyan ug usa ka minahal o mag-antos ug sakit, sila sagad maghunahuna, ‘Nganong gitugotan man kini sa Diyos?’ Tingali nakasukna ka sa mao gihapong pangutana. Gipakita sa Bibliya nga nahingawa ang Diyos sa mga nag-antos. [Basaha ang Isaias 63:9a.] Kining magasina nagpatin-aw kon nganong makaseguro kita nga taposon sa Diyos ang pag-antos.”

Pagmata! Ene. 8

“Gihunahuna mo ba nga angayng makiglabot ang gobyerno sa kagawasan sa pagsulti? [Tugoting motubag.] Komosta man kon ang pagsulti naglangkit sa pagpakigsulti sa uban maylabot sa relihiyon, sama sa atong mabasa dinhi? [Basaha ang Buhat 28:​30, 31.] Di pa dugay, kining sulirana gihusay sa Korte Suprema sa T.B. Gidapit ka nga basahon ang bahin niana dinhi niining gulaa sa Pagmata!”