Kon Unsay Isulti Labot sa mga Magasin

Ang Bantayanang Torre Abr. 15

“Ang ubang mga tawo nagtuo nga ang tanang butang nga mahitabo sa kinabuhi, lakip na ang mga trahedya, maoy kabubut-on sa Diyos. Nahibulong ka na ba bahin niana? [Tugoting motubag.] Daghang tawo nahibalo niining pag-ampoa. [Basaha ang Mateo 6:​10b.] Unsay kabubut-on sa Diyos alang sa yuta, ug kanus-a kana matuman sa bug-os? Kining magasina maoy maghatag sa tubag nga iya sa Bibliya.”

Pagmata! Abr. 22

“Sa kalibotan karon, ang ubang mga tawo mobating walay paglaom. Mobati ka bag ingon niana usahay? [Tugoting motubag. Dayon basaha ang Roma 15:4.] Kadaghanang tawo nakasabot sa kahinungdanon sa pagbaton ug paglaom. Malipay ka sa pagkonsiderar sa pito ka Kasulatanhong mga rason alang sa paglaom nga gipresentar niining gulaa sa Pagmata!”

Ang Bantayanang Torre Mayo 1

“Sa paningkamot nga pauswagon ang tawhanong katilingban, ang ubang relihiyosong mga lider nalangkit sa politika. Apan, matikdi ang gihimo ni Jesus sa dihang ang mga tawo buot magtuboy kaniya nga hari. [Basaha ang Juan 6:15.] Gisentro ni Jesus ang iyang pagtagad sa butang nga makahatag ug dumalayong kaayohan sa uban. Kining magasina maghisgot kon unsa kana.”

Pagmata! Mayo 8

“Daghang tawo nag-atubang ug masulayong mga kahimtang sa trabahoan. Ang uban gihasi pa gani sa ilang mga kauban sa trabaho. Nahibalo ka ba nga ang Bibliya adunay tambag nga makatabang kanato sa pagsagubang sa maong mga pagsulay? [Tugoting motubag. Dayon basaha ang Proverbio 15:1.] Kining magasina magtanyag ug praktikal nga mga sugyot kon sa unsang paagi mahuptan ang kalinaw uban sa mga kauban sa trabaho.”