Pagtanyag sa Pagkakat-on Gikan sa Dakong Magtutudlo
◼ “Sa hunahuna mo ang kalibotan ba mahimong mas maayong puy-an kon ang mga tawo magkinabuhi pinasukad niining mga pulonga? [Basaha ang Mateo 7:12a. Dayon tugoting motubag.] Kining libroha adunay daghang leksiyon gikan sa labing dakong magtutudlo nga nabuhi sukad.” Ipadayag ang mga hulagway ug mga kapsiyon diha sa kapitulo 17.
◼ “Gisulayan sa kadaghanang mga ginikanan karon ang pagsilsil ug mapuslanong mga prinsipyo sa ilang mga anak. Gibati mo bang hinungdanon kini? [Tugoting motubag. Dayon basaha ang Proverbio 22:6.] Matikdi nga ang mga ginikanan gidasig nga sugdan sa pagbansay ang ilang mga anak sukad sa sayong panuigon. Kining libroha gidisenyo sa pagtabang kanila sa paghimo niana.” Ipadayag ang mga hulagway ug mga kapsiyon diha sa kapitulo 15, 18, o 32.
◼ “Kanunayng mahibulong ang mga ginikanan sa mga pangutana nga isukna sa ilang mga anak. Ang pipila sa maong mga pangutana mahimong lisod tubagon, dili ba? [Tugoting motubag. Dayon basaha ang 2 Timoteo 3:14, 15.] Ang inahan ug apohang babaye ni Timoteo nagtudlo kaniya sukad pa sa pagkamasuso kon unsay giingon sa Kasulatan. Kining libroha makatabang sa mga ginikanan sa paghimo sa samang butang alang sa ilang mga anak karon.” Ipadayag ang pipila ka hulagway ug mga kapsiyon diha sa mga kapitulo 11 ug 12 o 34 hangtod sa 36.