Repaso sa Adlaw sa Espesyal nga Asembliya — Watchtower ONLINE NGA LIBRARYA

Repaso sa Adlaw sa Espesyal nga Asembliya

Kini nga materyal gamiton aron pasiunang masuta ug marepaso ang programa sa adlaw sa espesyal nga asembliya sa 2005. Ang artikulong “Bag-ong Kahikayan sa Pagrepaso sa mga Programa sa Asembliya,” nga makita sa panid 4 niining maong pasukip, magpatin-aw kon unsaon kini pagpresentar. Sa pagrepaso, bahin-bahina ang panahon aron ikasukna ang tanang pangutana. Ang repaso kinahanglang magpasiugda kon unsaon nato pagpadapat ang impormasyon nga gipresentar.

SESYON SA BUNTAG

1. Nganong nagkadako ang panginahanglan sa pagpatalinghog kang Jehova? Unsay ipasabot sa pagpatalinghog? (“Kon Nganong Magpatalinghog sa Tingog ni Jehova”)

2. Sa unsang paagi ang mga pamilya makamentinar ug maayong programa sa espirituwal nga kalihokan? (“Mga Pamilyang Dili Magpabalda sa Pagpatalinghog sa Pulong sa Diyos”)

3. Giunsa sa mga igsoon sa sirkito pagpahimulos ang mga kahigayonan sa pagsangyaw nga di-pormal? (“Pagbuhat sa Tanang Butang sa Paghimaya sa Diyos”)

4. Unsang mga leksiyon ang atong makat-onan gikan sa pasidaang panig-ingnan nga makaplagan sa Hebreohanon mga kapitulo 3 ug 4? Sa unsang paagi si Jehova nagpakigsulti kanato karon? (“Ang Pagpatalinghog sa Dihang Mosulti ang Diyos Magpanalipod Kanato”)

5. Sa unsang paagi ikaw nakabatog kaayohan sa pakigpulong sa bawtismo? (“Dedikasyon ug Bawtismo”)

SESYON SA HAPON

6. Unsay atong masabtan bahin kang Jesus ingong usa ka batan-on, ug sa unsang paagi ang mga batan-on sa sirkito nagasundog sa iyang panig-ingnan? (“Kon sa Unsang Paagi ang Dulot nga Pagpatalinghog sa Pulong sa Diyos Magpalig-on sa Atong mga Batan-on”)

7. Unsa ang pipila ka paagi aron ang mga ginikanan makasugod pagbansay sa gagmayng kabataan diha sa mga dalan ni Jehova? (“Mga Kabataan nga Nagapatalinghog sa Diyos ug Nakakat-on”)

8. Unsa ang pipila ka espesipikong mga paagi nga kita kinahanglang dulot nga magpatalinghog kang Jehova, sa iyang Anak, ug sa “matinumanon ug maalamong ulipon”? (Mat. 24:45) Nganong hinungdanon nga himoon nato kana? (“Tagda Kanunay ang mga Instruksiyon sa Diyos”)