Kon Unsay Isulti Labot sa mga Magasin

Ang Bantayanang Torre Okt. 15

“Nagtuo ang ubang mga tawo nga kon mas daghan silag kuwarta mas matagbawon ang ilang kinabuhi. Tinuod ba kini sa hunahuna mo? [Tugoting motubag.] Matikdi kon unsay gisulat sa usa ka dato kaayong tawo. [Basaha ang Ecclesiastes 5:10.] Kining magasina naghisgot sa bili nga mas labaw pa kay sa materyal nga bahandi.”

Pagmata! Okt. 22

“Nakita sa daghang tawo ang kahinungdanon sa pagbansay sa mga anak samtang bata pa. Nakita ba nimo nga gikinahanglan kini karon? [Tugoting motubag. Dayon basaha ang Proverbio 22:6.] Kining gulaa sa Pagmata! naghisgot sa espesipikong mga butang nga mahimo sa mga ginikanan sa pagtabang sa ilang mga anak nga motubo nga matarong ug malamposon nga mga hamtong.”

Ang Bantayanang Torre Nob. 1

“Daghang tawo ang walay pagsalig sa katakos sa tawhanong mga lider sa pagsulbad sa mga problema karon. Aduna kahay usa, sa hunahuna mo, nga makatuman sa gitagna niining mga bersikuloha? [Basaha ang Salmo 72:​7, 12, 16. Dayon tugoting motubag.] Kining magasina nagpatin-aw kon kinsa kining gitagnang lider ug kon unsay iyang pagahimoon.”

Pagmata! Nob. 8

“Ang mga anak nanginahanglan ug giya aron makabarog nga lig-on sa mga pagpit-os nga ilang giatubang karon, dili ba? [Tugoting motubag. Dayon basaha ang Efeso 6:4.] Kining magasina nagsusi sa tinuod nga kahulogan sa disiplina. Gihisgotan usab niini kon sa unsang paagi ikahatag sa mga ginikanan ang giya ug pagtul-id nga dili makapahiubos sa ilang mga anak.”