Kon Unsay Isulti Bahin sa mga Magasin

Ang Bantayanang Torre Okt. 15

“Daghang tawo nag-isip sa edukasyon ingong yawi sa malamposong kinabuhi. Sa imong hunahuna, aduna kahay usa ka matang sa edukasyon nga makatabang sa usa nga mahimong mas maayong tawo ug makasagubang sa mga problema sa kinabuhi? [Patubaga. Dayon basaha ang Roma 12:2.] Kining magasina naghisgot kon sa unsang paagi kita makabenepisyo gikan sa kinamaayohang edukasyon nga mabatonan.”

Pagmata! Okt. 22

“Daghang tawo ang malingaw sa pagbasag mantalaan halos kada adlaw. Sa imong hunahuna, makasalig kaha kita sa impormasyon nga gisulat diha sa mga mantalaan? [Patubaga.] Kining gulaa sa Pagmata! nagtanyag ug mga sugyot kon sa unsang paagi makabenepisyo kita gikan sa pagbasa sa mantalaan. Gipakita usab niini kon nganong angay kitang magbantay.” Basaha ang Proverbio 14:15.

Ang Bantayanang Torre Nob. 1

“Daghang tawo ang nahasol sa pagkadili-makiangayon sa kalibotan. Sa imong hunahuna, aduna bay usa nga makapausab gayod sa kalibotan? [Patubaga.] Kining magasina naghisgot sa mga babag sa kausaban. Gipakita usab niini kon kinsay makabuntog niana ug kon sa unsang paagi iyang ipadangat ang tinuod nga kalinaw ug kasegurohan sa kalibotan.” Basaha ang Salmo 72:12-14.

Pagmata! Nob. 8

“Sa tibuok kalibotan, adunay dakong kal-ang tali sa mga dato ug pobre. Sa imong hunahuna, aduna bay mahimo aron madugtong ang maong kal-ang? [Patubaga. Dayon basaha ang Mateo 6:9, 10.] Kining magasina nagpakita kon nganong kita makasalig nga ang Gingharian sa Diyos magwagtang sa pagkadili-makiangayon nga mihampak sa katawhan karon.”