Kon Unsay Isulti Bahin sa mga Magasin

Ang Bantayanang Torre Okt. 15

“Nagtuo ang daghang tawo nga walay-kasegurohan ang umaabot mao nga mas maayo pa konong magkinabuhi kita alang lamang karon. Mao ba usab kanay imong panglantaw? [Patubaga.] Kini ang makapainteres nga giingon ni Jesus. [Basaha ang Mateo 6:34.] Gipatin-aw niining magasina kon sa unsang paagi atong mapangandaman ang atong ugma ug sa samang panahon malikayan ang sobrang pagkabalaka bahin niini.”

Pagmata! Okt.

“Kitang tanan namatyan nag mga minahal sa kinabuhi. Sa imong hunahuna, nagtan-aw kaha sila kanato gikan sa langit? [Patubaga.] Matikdi ang gisulti ni Jesus sa dihang namatay si Lazaro. [Basaha ang Juan 11:11.] Kining artikuloha nagpatin-aw kon buhi ba kaha ang mga patay sa laing kalibotan o natulog lamang nga nagpaabot sa pagkabanhaw.” Ipakita ang artikulo nga nagsugod sa panid 28.

Ang Bantayanang Torre Nob. 1

“Sa imong hunahuna, moarang-arang kaha ang kalibotan kon mas mapainubsanon pa ang mga tawo? [Patubaga.] Matikdi ang giingon ni Jesus bahin niining hiyasa. [Basaha ang Mateo 23:12.] Gihisgotan niining magasina ang kahinungdanon sa pag-ugmad sa pagkamapainubsanon, bisan pag nagkinabuhi kita niining maindigong kalibotan.”

Pagmata! Nob.

“Kaniadto, ang mga tawo kanunayng nagpagiya sa Bibliya. Apan karon daghan na ang nagduhaduha niini. Unsay imong panglantaw bahin niini? [Patubaga. Dayon basaha ang 2 Timoteo 3:16.] Kining espesyal nga gula sa Pagmata! naghatag ug lig-ong pamatuod nga ang Bibliya inspirado sa Diyos.”